WAAR-دهۆك:
ئێڤارییا ئه‌ڤرۆ گه‌نجه‌ك د رووبارێ خه‌لان یێ سه‌ر ب باژارۆكێ خه‌لێفان دا خه‌ندقی و تا نها ته‌رمێ وی نه‌هاتییه دیتن.
كاروان میرئاوده‌لی، به‌رپرسێ راگه‌هاندنا به‌رگرییا شارستانی یا سۆران بۆ وار راگه‌هاند: ل سعه‌ت چاری ئێڤاری ئه‌و هاتن ئاگه‌هداركرن كو گه‌نجه‌ك ب ناڤێ محه‌مه‌د جه‌وهه‌ر مه‌قسوود یێ ته‌مه‌ن بیست سالی كو خه‌لكێ گوندێ سرێشمه‌یه د رووبارێ خه‌لان بیاوی یێ خه‌لیفان دا خه‌ندقییه.
ناڤهاتی ئاشكه‌را ژی كر: هێشتا ته‌رمێ وی گه‌نجی نه‌هاتییه دیتن و تیمێن به‌رگرییا شارستانی به‌رده‌وامن ل سه‌ر لێگه‌ریانێ.
لگۆره‌ی ئاماران د چل رۆژێن بۆری دا ده‌هـ كه‌س ل سنۆرێ سنۆران خه‌ندقینه كو هنده‌ك ژ وان گه‌شتیارن و هنده‌ك ژی خه‌لكێ وێ ده‌ڤه‌رێنه.
