سوپای و حه‌شدێ ئۆپه‌راسیۆنا ئیراده‌ 4 ده‌ستپێكر

سوپای و حه‌شدێ ئۆپه‌راسیۆنا ئیراده‌ 4 ده‌ستپێكر

WAAR-دهۆك:

سوپایێ ئیراقێ و حه‌شدا شه‌عبی ئه‌ڤرۆ قۆناغا 4ێ ژ ئۆپه‌راسیۆنا ئیراده‌ت ئه‌ل نه‌سر راگه‌هاند، ب ئارمانجا پاقژكرنا سنۆرێ پارێزگه‌ها ئه‌نبار ژ شانه‌یێن ڤه‌شارتی یێن داعشێ، ل ساتێن ده‌ستپێكێ ژی 5 گوند پاقژكرن.
فه‌رماندارییا گشتی یا حه‌شدا شه‌عبی د به‌یانه‌كێ دا دیاركر، قۆناغا 4ێ ژ ئۆپه‌راسیۆنا ئیراده‌ت ئه‌ل نه‌سر ئه‌ڤرۆ رۆژا شه‌مبیێ ل سنۆرێ پارێزگه‌ها ئه‌نبار تایبه‌ت ل ده‌ڤه‌رێن باشۆرێ رووبارێ فوراتی و دۆلا حۆران ده‌ستپێكر، د ساتێن ده‌ستپێكێ یێن ئۆپه‌راسیۆنێ دا، 5 گوند ل باشۆرێ ده‌ڤه‌ردارییا قائیم یا رۆژئاڤایێ ئه‌نبار هاتن پاقژكرن.
دیار ژی كر، ئارمانجا قۆناغا 4ێ ژ ئۆپه‌راسیۆنا ئیراده‌، پاقژكرنا ده‌ڤه‌رێن باشۆرێ رووبارێ فوراتی تا رێیا ناڤده‌وله‌تییا ئه‌نبارێ یه‌ ژ شانه‌یێن ڤه‌شارتی یێن داعشێ، فرۆكه‌یێن شه‌ركه‌رێن ئیراقێ ژی پشته‌ڤانییا ئاسمانی بۆ ئۆپه‌راسیۆنێ دابین دكه‌ن.
حه‌شدا شه‌عبی و سوپایێ ئیراقێ ل ده‌ستپێكا ڤێ مه‌هێ قۆناغا سێ یێ ژ ئۆپه‌راسیۆنا ئیراده‌ راگه‌هاندبوو و چه‌ندین ده‌ڤه‌رێن پارێزگه‌هێن دیالا و نه‌ینه‌وا ژ شانه‌یێن ڤه‌شارتی پاقژكربوون.

بابه‌تێن ب ڤێ مژارێ ڤه‌ گرێدای