سوپایێ پاسدارێن ئیرانێ گه‌ف ل ئه‌مریكا و بریتانیا كرن

سوپایێ پاسدارێن ئیرانێ گه‌ف ل ئه‌مریكا و بریتانیا كرن

WAAR-دهۆك:

سوپایێ پاسدارێن ئیرانێ ئه‌ڤرۆ گه‌ف ل ئه‌مریكا و بریتانیا كرن و راگه‌هاند، ئه‌و هه‌ردو وه‌لات دێ ژ گرتنا كه‌شتیا په‌ترۆلا ئیرانێ په‌شیمان بن.
عه‌لی فه‌داوی، جێگرێ فه‌رماندێ گشتی یێ سوپایێ پاسدارێن ئیرانێ ئاماژه‌ دا گرتنا كه‌شتیا په‌ترۆلا ئیرانێ ل جه‌به‌ل تارق ژ ئالییێ ده‌ستهه‌لاتا به‌ریتانی ڤه‌ و گۆت: ئه‌مریكا و بریتانیا دێ ب دژواری ژ وی كارێ خوه په‌شیمان بن ‌.
فه‌داوی گۆت: گرتنا كه‌شتیا ئیرانی مه‌ژیهشكی بوو و مه‌ژیهشكی سالۆخه‌ته‌كه‌ ل ده‌ڤ سه‌رۆكێ ئه‌مریكا و به‌رپرسێن بریتانی ژی تا راده‌كێ هه‌یه‌.
ئیرانێ گرتنا وێ گه‌شتیێ ب ده‌ستبسه‌رداگرتنه‌كا نه‌قانوونی ناڤ كرییه‌ لێ ده‌ستهه‌لاتا بریتانی یا جه‌به‌ل تارق راگه‌هاندیه‌ كو وێ گه‌شتییا دخواست بچیته‌ سووریێ د ده‌مه‌كێ دا سووریا ل بن سزایێن ئه‌ورۆپا ڤه‌ یه‌.

بابه‌تێن ب ڤێ مژارێ ڤه‌ گرێدای