سوپایێ تورکیا گوندەوارێن تل تەمرێ تۆپباران کرن

سوپایێ تورکیا گوندەوارێن تل تەمرێ تۆپباران کرن

WAAR-دهۆك:

ھێرشێن سوپایێ تورکیا و میلیشیایێن بسه‌ر ڤه‌ ل سه‌ر رۆژئاڤایێ کوردستانێ بەردەوامن و ئەڤرۆ سوپایێ تورکیا گوندەوارێن ناوچەدارییا تل تەمرێ تۆپباران کرن و ده‌نگۆیێ کوشتنا ھەژمارەکا سەربازێن سووری ژی ھەیە.
ل گۆری ناڤەندا رگه‌هاندنا هێزێن سووریایا دیمۆکراتیک، ھەسەدێ؛ ئەڤرۆ سپێدێ سوپایێ تورکیا ب چەکێن گران ھەر پێنج گوندێن داودییێ، عەریشێ، قاسمییێ، قەبر ئەلسەغیر و ئۆم ئەلشەفعە ل ناوچەدارییا تل تەمرێ یا سەر ب حەسەکێ ڤە تۆپباران کرن.
دا زانین ژی: سوپایێ تورکیا دو خالێن سوپایی سوورییێ ل وێ ناڤچەیێ تۆپباران کرن و دەنگۆیێ کوشتن و بریندارکرنا ھەژمارەکا سەربازان ھەیە.
ئاشکرا ژی کر: ژ شڤێدێ سوپا و میلیشایێن تورکیا ل سەر ئینانا ھێزێن زێدەتر بۆ دەڤەرێ بەردەوامن و چەندین چەکێن گران ئیناینە ناڤەندا ھەر سێ گوندێن تل محەمەد، مەحموودییێ و عەنق ئەلھەوا یێن سەر ب وێ ناوچەدارییێ ڤە.

بابه‌تێن ب ڤێ مژارێ ڤه‌ گرێدای