سوپایێن ئیراق، ئیران و سووریێ دێ ئۆپەراسیۆنەکا ھەڤپشک کەن

سوپایێن ئیراق، ئیران و سووریێ دێ ئۆپەراسیۆنەکا ھەڤپشک کەن

WAAR-دهۆك:

مالپەڕەکێ ھەوالگێری یێ ئسرائیلی ئاشكراكر؛ ھێزێن سەربازی یێن ئیرانی، ئیراقی و سووری دێ ئۆپه‌راسیۆنه‌كا هه‌ڤپشك ل سه‌ر سنۆرێن ئیراق و سووریا كه‌ن و ب مەترسی ژی ل سەر ئسرائیل و ئەمریکا ناڤکر.

مالپەڕێ دیبکا یا ھەوالگێری یێ ئسرائیلی راگەھاند؛ ھەر ئێک ژ دیمەشق، بەغدا و تەھران دێ ئۆپەراسیۆنەکا سەربازی یا ھەڤپشک بۆ ڤەکرنا سنۆرێن ئیراق و سووریا کەن، ئەڤ یەکە ژی ب مەترسی ل سەر ئێمناھییا ئسرائیل و ئەمریکا ناڤکر.
ل گۆری مالپەڕی ده‌ستپێكرنا ئۆپه‌راسیۆنێ د کۆمبوونا سەرکردەیێن ئێکێ یێن سوپایێ ھەر سێ وەلاتان ل دیمەشقێ ھاتییە ئێكلاكرن.
مالپەڕێ دیبکا دیارکریە؛ بریار ل دەما سەرەدانا سەرۆکێ سووریا بۆ تەھرانێ ھاتییە دان.
ل گۆری رێککەفتنا بشار ئەسەد و عەلی خامنەیی، رابەرێ شۆڕشا بلندا ئیسلامییا ئیرانێ ھەژمارەکا بریارێن گرنگ د وارێن سەربازی، ئابۆری و ستراتیژی دا دان و مالپەڕێ ئسرائیل ی ھەموو ب دژاتییا ئسرائیل و ئەمریکا ناڤکرینە.

بابه‌تێن ب ڤێ مژارێ ڤه‌ گرێدای