سووریا.. كاروانه‌كێ سه‌ربازی یێ ئه‌مریكا گه‌هشته‌ حه‌سه‌كێ

سووریا.. كاروانه‌كێ سه‌ربازی یێ ئه‌مریكا گه‌هشته‌ حه‌سه‌كێ

WAAR-دهۆك:

كاروانه‌كێ سه‌ربازی یێ ئه‌مریكا گه‌هشته‌ سنۆرێ باژێرێ حه‌سه‌كێ ل رۆژئاڤایێ كوردستانێ، پشتی د ئاخا ئیراقێ را ده‌رباز بووی.
مه‌دیا ئیراقی و سووری به‌لاڤه‌ كرییه‌، كاروانه‌كێ سه‌ربازی یێ ئه‌مریكا د گه‌ل چه‌ك و كه‌ل و په‌لێن سه‌ربازی، د بیست و چار ساتێن بۆری دا د ناڤا ئاخا ئیراقێ دا ده‌ربازی سووریێ بوون و ل حه‌سه‌كێ‌ یا رۆژئاڤایێ كوردستانێ جێگیر بووینه.
نه‌هاتییه‌ خویاكرن، ئه‌و هێز ژ بۆ پشته‌ڤانییا هێزێن سووریا دیموكرات هه‌سه‌دێ یه‌ یان ژی بۆ زێده‌كرنا بنگه‌هێن سه‌ربازی ل رۆژئاڤایێ فوراتێ هاتییه‌ هنارتن.
به‌رپرسێن ئه‌مریكا پێشتر باس ل ڤه‌كێشانا هێزێن خوه‌ ژ ئاخا سووریێ دكرن، لێ هێزێن خوه‌ ل رۆژئاڤایێ كوردستانێ زێده‌ كرینه‌ و تا نها پازده‌ بنگه‌هێن سه‌ربازی ل پارێزگه‌ها حه‌سه‌كێ‌ ڤه‌كرینه‌.
پاش داگیركرنا عه‌فرینێ ژ ئالیێ توركیا ڤه‌، ئه‌مریكا و فره‌نسا ژ بۆ پشته‌ڤانییا هه‌سه‌دێ، هێزێن سه‌ربازی ره‌وانه‌ی سووریێ كرینه‌ ب تایبه‌ت ل باژارێ منبجێ.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.