سوودانێ یاسایێن ئاستەنگکرنا ئازادییان لادان

سوودانێ یاسایێن ئاستەنگکرنا ئازادییان لادان

WAAR-دهۆك:

سوودانێ ھەموو یاسایێن ئاستەنگکرنا ئازادییان لادان و رێ دا سازییێن راگەھاندنێ بێقەید کار بکەن.
جڤاتا لەشکەری یا دەمکی یا سوودانێ راگەھاند: ئەوان بریار دا ھەموو یاساییێن حکومەتا عومه‌ر بەشیری ژ بۆ ئاستەنگکرنا ئازادییێن گشتی و راگەھاندنێ داناین، لابدەن و قەدەغەیا ل سەر مەدیاکار و رۆژنامەڤانان ھاتیه‌ سەپاندن رابکەن و سازییێن راگەھاندنێ بێقەید کار بکەن.
جڤاتا لەشکەری یا سوودانێ ھەڤدەم ھەموو کەسێن د دەما نەرازیبوونان دا ھاتینه‌ دەستەسەرکرن، ئازاد کرن و قەدەغەیا دەرکەفتنێ لادا و دیار کر، ئەو دێ ھەڤدیتنێ د گەل ھەموو ھێزێن سیاسی یێن سوودانێ کەن و ئەرکێ وان رێزگرتنە ل یاسایێ و پاراستنا ئێمناھییێ و بەردەستکرنا سەقایەکێ ئازاد بۆ ئاڤاکرنا پارتی و رێکخستنێن سیاسی.

بابه‌تێن ب ڤێ مژارێ ڤه‌ گرێدای