سوبە شاندەکا ھەرێما کوردستانێ دێ چیتە بەغدا

سوبە شاندەکا ھەرێما کوردستانێ دێ چیتە بەغدا

WAAR-دهۆك:

بریارە سوبە شاندەکا حکومەتا ھەرێما کوردستانێ بچیتە بەغدا و گۆتوبێژا بودجە و مافێن سیاسی و دارایی یێن ھەرێمێ بکەت.
ل گۆرەی زانیارییێن وار، سوبە رۆژا شەمبی شاندەکا حکومەتا ھەرێمێ، کو ژ وەزیرێن دارایی، پلاندانان، وەزیرێ ھەرێمێ بۆ کاروبارێن بەغدا، سەرۆکێ دیوانا جڤاتا وەزیران و سکرتێرێ جڤاتا وەزیران پێکدھێت، دێ چیتە بەغدایێ.
شاندا ھەرێمێ دێ ل گەل بەرپرسێن حکومەتا فیدرالی باسێ ئامادەکرنا پرۆژەقانوونا بودجێ یا سالا بھێت و مافێن سیاسی و دارایی یێن ھەرێمێ و چارەکرنا کێشەیێن ھەلاویستی کەت.
حەفتییا بووری سەرۆک نێچیرڤان بارزانی سەرەدانا بەغدایێ کربوو و ل گەل ھەرسێ سەرۆکاتی و ئالییێن سیاسی یێن ئیراقێ کۆم ببوو و گۆتوبێژا رەوشا سیاسی و چارەکرنا کێشەیان کربوو.

بابه‌تێن ب ڤێ مژارێ ڤه‌ گرێدای