سوارێز لده‌ستپێكا هه‌يڤا بهێت دێ نشته‌رگه‌رييه‌كێ بۆ چۆكێ خوه‌ كه‌ت

سوارێز لده‌ستپێكا هه‌يڤا بهێت دێ نشته‌رگه‌رييه‌كێ بۆ چۆكێ خوه‌ كه‌ت

WAAR-دهۆك:

هێرشبه‌رێ ئۆرۆگوایی ل یانه‌یا به‌رشه‌لۆنا یا ئسپانی لۆیس سوارێز لده‌ستپێكا هه‌یڤا چرییا دووێ یا بهێت دێ نشته‌رگه‌رییه‌كێ بۆ چووكێ خوه‌ یێ راستێ كه‌ت. رۆژنامه‌یا سپۆرت یا نێزیك ژ یانه‌یا كه‌ته‌لۆنی به‌لاڤكرییه‌ كۆ ئاستێ هێرشبه‌رێ هه‌لبژارتیێ سیلیستی ل ڤێ داویێ هاتییه‌ خار ژبەركۆ كیسكه‌كێ ئاڤێ د چووكێ وی یێ راستێ دا درۆست بوویه‌ و ئه‌ڤ چه‌نده‌ كارتێكرنێ د لڤینێن وی دا دكه‌ت له‌وما ل ده‌ستپێكا هه‌یڤا بهێت دگه‌ل راوه‌ستاندنا خۆلێن ئۆرۆپی ئه‌و دێ نشته‌رگه‌رییا خوه‌ كه‌ت. هه‌روه‌ه‌یسا هه‌مان ژێده‌ر ئه‌وژی ئاشكه‌را كر كۆ هه‌لبژارتیێ ئۆرۆگوای ل ده‌ستپێكا هه‌یڤا بهێت بتنێ دێ یاریێن هه‌ڤالینی كه‌ت و سوارێز دێ ڤێ چه‌ندێ ب مفا وه‌رگریت و نشته‌رگه‌رییا خوه‌ كه‌ت كۆ دێ نێزیكی سێ حه‌فتییان ژ یاریگه‌هان دووركه‌ڤیت و دێ بۆ دیدارا به‌رامبه‌ر لیگانێس یێ ئاماده‌بیت. دهێته‌ زانین لۆیس سوارێزی ل ڤی وه‌رزی بتنێ دو گۆل دگه‌ل یانه‌یا به‌رشه‌لۆنا تۆماركرینه‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.