سوارێز: به‌رشه‌لۆنه ده‌ربازنه‌بوویه

سوارێز: به‌رشه‌لۆنه ده‌ربازنه‌بوویه

وار – دهۆک :

ستێرا تهپاپێی یا ئۆرگوایی و یانه‌یا به‌رشه‌لۆنه یا ئه‌سپانی لویس سوارێز خودانێ هه‌ردو گۆلێن تیما خۆ لسه‌ر یانه‌یا مانچسته‌ر ستی گۆت، هێشتا یانه‌یا وان پلێتا ده‌ربازبوونێ بۆ قۆناغا چارێك دووماهییا قاره‌مانیێ مسوگه‌ر نه‌كریه سه‌ره‌رای سه‌ركه‌ڤتنێ ب دوو گۆلان به‌رامبه‌ر گۆله‌كێ، هه‌روه‌سا گۆت د نیڤا ئێكێ دا مه یارییه‌كا مه‌زن نیشاندا و د شیاندا هه‌بوو ئه‌م پتر گۆلان تۆماربكه‌ین، به‌لێ د نیڤا دووێدا ره‌وشا یاریێ هاته‌ گوهۆڕین و تیما مانچسته‌ر هاته دناڤ یاریێ دا ب تایبه‌ت پشتی تۆماركرنا گۆلێ، یارییا بهێت ئه‌م دێ ل كامب نوو كه‌ین ئه‌م باش دزانین كرنا یاریێ دناڤ جه‌ماوه‌رێ خودا چه‌نده، دڤێت ئه‌م ڤێ یاریێ ژبیر بكه‌ین، تێ زانین ل هاڤینا بوری سوارێز هاتبو دناڤ رێزێن یانه‌یا كاتالۆنی دا ب گۆره‌یێ هه‌ڤبه‌سته‌كێ ژ یانه‌یا لیڤه‌رپۆل، به‌ری ڤێ یاریێ دیاركربوو كو ئه‌ڤ یاریه دێ بۆ وی یا تایبه‌ت بیت، ژبه‌ر وان سالێن ئه‌وێ ل خولا بریمه‌رلیگ بوراندین.

بابه‌تێن ب ڤێ مژارێ ڤه‌ گرێدای