سه‌ندیكا هونه‌رمه‌ندان فلمێ “بیره‌وه‌ریێن سه‌ر به‌رى” خه‌لاتكر

سه‌ندیكا هونه‌رمه‌ندان فلمێ “بیره‌وه‌ریێن سه‌ر به‌رى” خه‌لاتكر

وار – دخوك :
ل رێڤه‌به‌ریا سه‌ندیكا هونه‌رمه‌ندێن كوردستانێ لقێ دهۆك، “شه‌وكه‌ت ئه‌مین، حسین حه‌سه‌ن، مه‌مه‌د ئه‌كتاش، ئیبراهیم سه‌عید” چار هونه‌رمه‌ندێن پشكدار د فلمێ “بیره‌وه‌ریێن سه‌ربه‌رى” ژلایێ سه‌ندیكایێ ڤه‌ و لقێ ئێكێ پارتى دیمۆكراتى كوردستان هاتنه‌ خه‌لاتكرن.
سه‌رۆكا سه‌ندیكا هونه‌رمه‌ندێن كوردستانێ تایێ دهۆكێ ئه‌ڤین حسین بۆ وار گۆت: هه‌لبه‌ت ئه‌ڤه‌ ژمێژه‌یه‌ مه‌ هزر د خه‌لاتكرنا هونه‌رمه‌ندان دا كریه‌ و ئه‌ڤه‌ نه‌ پێنگاڤا ئێكێ یه‌، لێ ده‌مى وه‌ها خواست ئه‌م بڤى ره‌نگى ڤان كه‌سێن هێژا خه‌لات بكه‌ین كو شیاینه‌ د گه‌له‌ك ڤه‌ستیڤالێن جیهانیێن نێڤده‌وله‌تیدا خه‌لاتێن مه‌زن بده‌ستخۆڤه‌ بیننن. ئه‌ڤینێ زێده‌تر گۆت: مه‌ ژى بفه‌ر زانى خه‌لاته‌كێ بچووك پێشكێشى وان بكه‌ین. لێ لقێ ئێك یێ پارتى دیمۆكراتى كوردستان ژى ئه‌ڤرۆ ئه‌و كه‌س خه‌لاتكرن و دیاریه‌كا پر بها پێشكێشى وانكر.
ده‌رهێنه‌رێ فلمێ بیره‌وه‌ریێن سه‌ربه‌رى شه‌وكه‌ت ئه‌مین كوركى گۆت: تا نها مه‌ 14 خه‌لات لسه‌ر ئاستێ جیهانێ وه‌رگرتینه‌ و ئه‌ڤه‌ هه‌موو ل جه‌م من نه‌ هند مه‌زنن، لێ ئه‌ڤرۆ خه‌لاتكرنا من ژ لایێ سه‌ندیكا هونه‌رمه‌ندێن كوردستانێ تایێ دهۆكێ مه‌زنترین خه‌لاته.‌ ژبه‌ر كۆ پووته‌دانه‌ ب هونه‌رمه‌ندان و ب سینه‌مایێ. و گۆتژى، ئه‌ڤ خه‌لاته‌ دیاریه‌ بۆ كوردستانێ و دیسا بۆ وان كه‌سێن پشته‌ڤانییا من كرى و هه‌ر دیسا هه‌موو ئه‌كته‌رێن فلمى. شه‌وكه‌تى دیاركر ژى كو پشته‌ڤانیكرنا هونه‌رمه‌ندان ئێك ژ مه‌زنترین پێنگاڤێن گرنگه‌ لسه‌ر ئاستێ هه‌رێمێ و دڤێت هه‌موو جاره‌كێ ئه‌م هزر د وى ئه‌كته‌ریدا بكه‌ین ئه‌ڤێ خوه‌ ماندى دكه‌ت. ئه‌ڤه‌ سێ ساله‌ ئه‌م د ڤى فلمیدا كار دكه‌ین و براستى ئه‌كته‌ر و ستافێ فلمى هه‌موویان ماندیبوونه‌كا زێده‌ دیتیه‌.

بابه‌تێن ب ڤێ مژارێ ڤه‌ گرێدای