سه‌نحاریب بوو قاره‌مانا جمناستیكا پارێزگه‌هێ

سه‌نحاریب بوو قاره‌مانا جمناستیكا پارێزگه‌هێ

وار – دهۆک :

لژێر چاڤدێرییا به‌رێز فه‌رهاد ئه‌مین پارێزگارێ دهۆكێ دوهى قاره‌مانییا جمناستیكێ یا پارێزگه‌هێ ب دوماهیك هات و پشتى هه‌ڤركى دناڤه‌برا یاریكه‌ران پشكدار دا هاتیه‌ كرن، تیما یانه‌یا سه‌نحاریب لرێزا ئێكێ هات و بناسناڤێ قاره‌مانیێ هاته‌ خه‌لاتكرن، دویڤدا یانه‌یا دهۆك لرێزا دووێ هات و یانه‌یا ئاكرێ لرێزا سێیێ هات، د هه‌ڤركیێن واندا ئه‌وا ل هۆلا په‌یمانگه‌ها په‌روه‌رده‌یا وه‌رزشى دهۆك هاتینه‌ برێڤه‌برن.
لدۆر ڤێ قاره‌مانیێ د. محه‌مه‌د مه‌هدى سه‌رۆكێ ئێكه‌تییا ناڤبرى ل دهۆكێ بۆ رۆژنامه‌یا وار گۆت، مه‌ره‌م ژ ڤه‌كرنا ڤێ قاره‌مانیێ ئه‌وبوو داكو یاریكه‌رێن ڤێ یاریێ گه‌شێ بخۆڤه‌ بینن و یا دیاربوو كو هه‌ڤركییه‌كا بهێز دناڤبه‌را یاریكه‌رێن پشكداردا په‌یدابوو، هه‌ر وه‌سان مه‌ره‌ما سه‌ره‌كى ژێ ئه‌وبوو داكو ئاستێ یاریكه‌رێن خۆ بزانین و تیما هه‌لبژارتیێ پارێزگه‌هێ بهێته‌ پێكئینان و به‌رهه‌ڤبن هه‌ر قاره‌مانییه‌كا داهاتى.
تێزانین ئه‌ڤ قاره‌مانییه‌ ژلایێ ئێكه‌تییا جمناستیكێ ل پارێزگه‌ها دهۆكێ و ب هه‌ڤكارى دگه‌ل نوونه‌راتییا دهۆك یا لیژنه‌یا ئۆلۆمپییا كوردستانێ هاتبوو ڤه‌كرن، دڤێ قاره‌مانیێ دا 15 یاریكه‌ران ژ هه‌ر پێنج یانه‌یێن سه‌نحاریب و دهۆك و ئاكرێ و زاخۆ و گاره‌ پشكدارى تێدا كربوو، هه‌ڤركیێن وان بۆ ماوه‌یێ رۆژه‌كێ دبه‌رده‌وام بوون.

بابه‌تێن ب ڤێ مژارێ ڤه‌ گرێدای