سه‌رۆك نێچیرڤان بارزانى ل گه‌ل بالیۆزێ رۆسیا كۆم بوو

سه‌رۆك نێچیرڤان بارزانى ل گه‌ل بالیۆزێ رۆسیا كۆم بوو

WAAR-دهۆك:

سه‌رۆك نێچیرڤان بارزانى ل گه‌ل بالیۆزێ رۆسیا ل ئیراقێ كۆم بوو و پێشخستنا په‌یوه‌ندییان و چاره‌كرنا كێشه‌یێن هه‌ولێر و به‌غدایێ گۆتوبێژ كر.
نێچیرڤان بارزانى، سه‌رۆكێ هه‌رێما كوردستانێ ئه‌ڤرۆ سپێدێ ل هه‌ولێرێ پێشوازى ل بالیۆز و كونسۆلێ وه‌لاتێ رۆسیا ل ئیراقێ و هه‌رێما كوردستانێ كر و شاندا رۆسى، سلاڤ و پیرۆزباهیێن سێرگیۆ لاڤرۆڤ وه‌زیرێ ده‌رڤه‌یێ رۆسیا گه‌هاندن سه‌رۆك نێچیرڤانى و داخوازا سه‌ركه‌فتنێ بۆ كر.
پاشان هه‌ردو ئالییان باس ل پێشخستنا په‌یوه‌ندیێن هه‌رێما كوردستانێ و رۆسیا فیدرال كر و دوپاتى ل چاره‌كرنا هه‌موو كێشه‌یێن هه‌ولێر و به‌غدایێ د چارچووڤێ ده‌ستوورى دا كر، بۆ ڤێ یه‌كێ ژى سه‌رۆك نێچیرڤانى، باس ل ئاماده‌ییا هه‌رێمێ بۆ چاره‌كرنا كێشه‌یان و ئه‌نجامێن كۆمبوونێن دوهى یێن هه‌رێم و به‌غدا كر.

بابه‌تێن ب ڤێ مژارێ ڤه‌ گرێدای