سه‌رۆك بارزانی و ئوسامه‌ نجێفی: نابیت كێشه‌ ب سه‌پاندنا دیفاكتۆیێ بهێنه‌ ئێكلاییكرن

سه‌رۆك بارزانی و ئوسامه‌ نجێفی: نابیت كێشه‌ ب سه‌پاندنا دیفاكتۆیێ بهێنه‌ ئێكلاییكرن

WAAR-دهۆك:

سه‌رۆك بارزانی پێشوازی ل جێگرێ سه‌رۆككۆمارێ ئیراقێ كر و هه‌ردویان دووپاتكر، نابیت كێشه‌یێن هه‌ولێر و به‌غدا ب زمانێ توند و سه‌پاندنا دیفاكتۆییێ بهێنه‌ ئێكلاكرن.
سه‌رۆك بارزانی ئه‌ڤرۆ ل سه‌لاحه‌دین پێشوازی ل ئوسامه‌ نجێفی جێگرێ سه‌رۆكومارێ ئیراقێ كر و ره‌وشا سیاسی یا ده‌ڤه‌رێ و ئیراقێ به‌حسكرن و رۆناهی ئێخسته‌ سه‌ر ره‌وشا ئاواره‌یان و ره‌وشا باژارێ مووسلێ.
هه‌روه‌سا په‌یوه‌ندیێن هه‌ولێر و به‌غدا، پرۆسه‌یا سیاسی و پاشه‌رۆژا ژیانا سیاسی یا ئیراقێ و پێكهاته‌یێن ل ئیراقێ هاتنه‌ به‌حسكرن، هه‌روه‌سا كێشه‌ و ته‌حه‌ددیاتێن ناڤا پرۆسه‌یا سیاسی ژی هاتن به‌حسكرن و هه‌ردو ئالیان دووپاتی ل وێ یه‌كێ كر، كو نابیت كێشه‌یێن د ناڤبه‌را هه‌ولێر و به‌غدا دا ب رێیا زمانێ تۆند و سه‌پاندنا دیفاكتۆییێ بهێنه‌ ئێكلایكرن، به‌لكو پێدڤییه‌ هه‌می كێشه‌ ب رێیا دانوستاندنان بهێنه‌ چاره‌كرن.
هه‌روه‌سا هه‌ردوئالی ل سه‌ر هندێ هه‌ڤرابوون كو چاره‌كرنا كێشه‌یان و ده‌ربازكرنا ته‌حه‌دیاتان، رێگریكرن ل كووربوونا قه‌یرانان، پێدڤی ب هه‌ماهه‌نگی و لێكگه‌هشتن و كارێ هه‌ڤپشك هه‌یه‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.