سه‌رۆك بارزانی: قۆناغا بنیاتنانا كوردستانه‌كا بهێز ده‌ست پێ كرییه‌

سه‌رۆك بارزانی: قۆناغا بنیاتنانا كوردستانه‌كا بهێز ده‌ست پێ كرییه‌

WAAR-دهۆك:

سه‌رۆك مه‌سعوود بارزانی جه‌ژنا نه‌ورۆزێ ل گه‌لێ كوردستانێ پیرۆز كر و راگه‌هاند؛ قۆناغا بنیاتنانا كوردستانه‌كا بهێز ده‌ست پێ كرییه‌ و پێدڤییه‌ پێشكه‌فتن و پاراستنا كوردستانێ كارێ سه‌ره‌كی یێ هه‌موو ئالییان بیت.
سه‌رۆك مه‌سعوود بارزانی، د په‌یامه‌كێ دا جه‌ژنا نه‌ته‌وه‌یی یا نه‌ورۆزێ ل گه‌لێ كوردستانێ و مالباتێن شه‌هیدان و پێشمه‌رگه‌یی و هێزێن ئێمناهییێ پیرۆز كر و دیار كر؛ نه‌ورۆز هه‌رده‌م ژ بۆ گه‌لێ كورد ده‌ستپێكه‌كا نوو و سه‌ركه‌فتنه‌ ل سه‌ر سته‌مكاری و نه‌خوشیان و خه‌لكێ كوردستانێ د سالێن بووری و شه‌رێ دژی داعشێ و كێشه‌ و قه‌یرانان دا خوه‌راگر بوویه‌ و ئه‌ڤ خوه‌گرتن و خوه‌راگرییه‌، جهێ رێزه‌كا مه‌زنن‌.
سه‌رۆك بارزانی ئاماژه‌ دایه‌ ره‌وشا نها یا كوردستانێ و دیار كرییه‌؛ قۆناغا بنیاتنانا كوردستانه‌كا بهێز ده‌ست پێ كرییه‌ و پێدڤییه‌ پێشكه‌فتن و پاراستنا كوردستانێ كارێ سه‌ره‌كی یێ هه‌موو ئالییان بیت.
سه‌رۆك بارزانی دوپاتی ل فه‌رهه‌نگا پێكڤه‌ژیان و لێبۆرینێ یا گه‌لێ كوردستانێ كر و داخواز كر، د گه‌شت و سه‌یرانێن خوه‌ دا ژینگه‌ها جوان یا كوردستانێ و ئارامییا وێ بپارێزن.

بابه‌تێن ب ڤێ مژارێ ڤه‌ گرێدای