سه‌رۆك بارزانى: گوهه‌رینا دیمۆگرافى یا رۆژئاڤایێ كوردستانێ ره‌ت دكه‌م

سه‌رۆك بارزانى: گوهه‌رینا دیمۆگرافى یا رۆژئاڤایێ كوردستانێ ره‌ت دكه‌م

WAAR-دهۆك:

سه‌رۆك مه‌سعوود بارزانى ل گه‌ل بالیۆزێ بریتانیا ل ئیراقێ كۆم بوو و دژایه‌تییا خوه‌ بۆ گوهه‌رینا دیمۆگرافى یا رۆژئاڤایێ كوردستانێ نیشاندا.
سه‌رۆك بارزانى ئه‌ڤرۆ ل پیرمام پێشوازى ل جۆن ویلیكس، بالیۆزێ بریتانیا ل ئیراقێ كر و گۆتوبێژا دوماهى پێشهاتێن سووریا و ئه‌گه‌رێن سه‌رهلدانا تیرۆرێ و ره‌وشا ده‌ڤه‌رێ كر و بالیۆزێ بریتانیا راگه‌هاند: بریتانیا دێ پشته‌ڤانا هه‌رێما كوردستانێ مینیت و به‌رده‌وام د هه‌موو واران دا په‌یوه‌ندیێن خوه‌ ل گه‌ل هه‌رێمێ پێشڤه‌به‌ت.
سه‌رۆك بارزانى و بالیۆزێ بریتانیا ب هه‌ڤڕایى گوهه‌رینا دیموگرافى یا رۆژئاڤایێ كوردستانێ ره‌ت كر و هه‌ردو ئالى هه‌ڤرابوون كو پێدڤییه ‌ده‌ڤه‌ره‌كا ئارام د ناڤ سنۆرێ سووریا دا بهێت دروستكرن و ئاواره‌ ل وێرێ بهێن كۆمكرن و رێكخستنێن نێڤده‌وله‌تى هاریكاریێن بله‌ز و پێدڤى بۆ دابین بكه‌ن.
ل دۆر ئالۆزیێن ڤێ داویێ یێن پارێزگه‌هێن ئیراقێ ژى، سه‌رۆك بارزانى دیار كر، ئه‌و ل گه‌ل داخوازێن شه‌رعى یێن خوه‌ نیشانده‌رایه‌، لێ د هه‌مان ده‌م دا ل دژى وێ یه‌كێ یه‌ به‌رپرسیارییا گه‌نده‌لییا چه‌ند سالێن بوورى بكه‌ڤیته‌ ستۆیێ حكومه‌تا نوو یا ئیراقێ و بۆ دژایه‌تییا سه‌رۆكوه‌زیرێ نوو، هنده‌ك كه‌سێن گه‌نده‌ل سیارى پێلا نه‌رازیبوونا خه‌لكى ببن، له‌و ئه‌و ب ته‌مامى پشته‌ڤانییا حكومه‌تا عه‌بدولمه‌هدى دكه‌ت.

بابه‌تێن ب ڤێ مژارێ ڤه‌ گرێدای