سه‌رۆك بارزانى په‌یوه‌ندى ب عه‌بدولمه‌هدى كر

سه‌رۆك بارزانى په‌یوه‌ندى ب عه‌بدولمه‌هدى كر

WAAR-دھۆك:

سه‌رۆك مه‌سعوود بارزانى په‌یوه‌ندى ب سه‌رۆكوه‌زیرێ ئیراقێ كر و دوپاتى ل پێشڤه‌برنا په‌یوه‌ندیییان و چاره‌كرنا كێشه‌یان كر.
نڤیسینگه‌ها راگه‌هاندنێ یا عادل عه‌بدولمه‌هدى، سه‌رۆكوه‌زیرێ ئیراقی راگه‌هاند: ئه‌ڤرۆ سپێدێ د په‌یوه‌ندییه‌كا ته‌له‌فونى دا سه‌رۆك مه‌سعوود بارزانى، جه‌ژنا قۆربانێ ل عه‌بدولمه‌هدى پیرۆز كر و باسێ پێشڤه‌برنا په‌یوه‌ندییان و چاره‌كرنا كێشه‌یێن هه‌ولێر و به‌غدایێ كر.
ئه‌ڤه ‌د ده‌مه‌كى دا یه‌، كو هه‌رێم و به‌غدا چه‌ندین لژنه ‌بۆ چاره‌كرنا كێشه‌یێن هه‌لاویستى پێكئیناینه ‌و چاڤه‌رێیه‌ پشتى جه‌ژنێ، لژنه‌یێن هه‌ردو ئالییان ل به‌غدا ده‌ست ب دانوستاندنان بكه‌ن.
دوهى ژى وه‌زیرێ به‌رگرییا ئیراقێ سه‌ره‌دانا سه‌رۆك مه‌سعوود بارزانى ل پیرمامێ كربوو و پشته‌ڤانییا حكومه‌تا ئیراقێ بۆ كارێ هه‌ڤپشك و هه‌ماهه‌نگیه‌كا پتر راگه‌هاندبوو.

بابه‌تێن ب ڤێ مژارێ ڤه‌ گرێدای