سه‌رۆك بارزانى و بالیۆزێ بریتانیا كۆم بوون

سه‌رۆك بارزانى و بالیۆزێ بریتانیا كۆم بوون

WAAR-دهۆك:

سه‌رۆك مه‌سعوود بارزانى و بالیۆزێ بریتانییا ل ئیراقێ كۆمبوون و باس ل گهۆرینێن پرۆسه‌یا سیاسى یا كوردستانێ و خورتبوونا په‌یوه‌ندیێن هه‌ولێر و به‌غدایێ كر.
ئه‌ڤرۆ ل باره‌گه‌هێ بارزانى، سه‌رۆك مه‌سعوود بارزانى پێشوازى ل شانده‌كا بریتانى ب سه‌رۆكاتییا بالیۆز جۆن وێلكسى كر و شاندا بریتانى پشته‌ڤانییا وه‌لاتێ خوه ‌بۆ حكومه‌تا نوو یا هه‌رێما كوردستانێ راگه‌هاند و دیار كر، گهۆرینێن نوو یێن حكومه‌تا هه‌رێمێ و پێشڤه‌چوونا په‌یوه‌ندیێن هه‌ولێر و به‌غدایێ هیڤیه‌كا مه‌زنن.
سه‌رۆك بارزانى، په‌یوه‌ندى و هه‌ماهه‌نگییا هه‌رێما كوردستانێ و بریتانیا ب گرنگ ناڤ كر و هیڤى خواست ئه‌و په‌یوه‌ندى زێده‌تر پیشڤه‌بچن و ئاماده‌ییا هه‌رێما كوردستانێ ژى د هه‌موو واران دا نیشاندا.
هه‌روه‌ها سه‌رۆك مه‌سعوود بارزانى، پیرۆزباهییا ده‌ستبكاربوونێ ل كونسۆلێ نوو یێ بریتانیا كر و پشته‌ڤانییا خوه‌ بۆ ئه‌ركێ وى یێ نوو راگه‌هاند.

بابه‌تێن ب ڤێ مژارێ ڤه‌ گرێدای