سه‌رۆك بارزانى: زانایێن ئۆلى شیان ل هه‌مبه‌ر هزرا تۆندره‌وییێ راوه‌ستن

سه‌رۆك بارزانى: زانایێن ئۆلى شیان ل هه‌مبه‌ر هزرا تۆندره‌وییێ راوه‌ستن

WAAR-دهۆك:

سه‌رۆك مه‌سعوود بارزانى 49 سالیا دامه‌زراندنا ئێكه‌تییا زانایێن ئۆلا ئیسلامێ پیرۆز كر و راگه‌هاند: زانایێن ئۆلى رۆلێ سه‌ره‌كى د به‌رهه‌نگاربوونا هزرا تۆندره‌وییێ دا هه‌یه‌.
د په‌یاما خوه‌ دا سه‌رۆك مه‌سعوود بارزانى دیار كر، دامه‌زراندنا ئێكه‌تییا زانایێن ئۆلا ئیسلامێ ل سه‌ر ده‌ستێ بارزانییێ نه‌مر، گاڤه‌كا كاریگه‌ربوو بۆ رێكخستن و پیشڤه‌برنا رۆلێ ماموستایێن ئۆلى د شۆرش و ژیانا سیاسى و جڤاكى و بهێزكرنا بنه‌مایێن دیندارى و پێكڤه‌ژیانێ ل كوردستانێ و ل سه‌ر بنه‌مایى ژى، ماموستایێن ئۆلى شیان ب باشى رۆلێ خوه‌ د به‌رهه‌نگاربوونا هزرا تۆندره‌وییێ دا ببینن.
سه‌رۆك بارزانى ده‌ستخوه‌شى ل هه‌لوه‌ستێ ماموستایێن ئۆلى د پشته‌ڤانیكرنا دۆزا ره‌وا یا گه‌لێ كوردستانێ دا كر و هیڤیا سه‌ركه‌فتنێ بۆ ماموستا و مه‌زنه‌ زانایێن ئۆلا ئیسلامێ خواست.

بابه‌تێن ب ڤێ مژارێ ڤه‌ گرێدای