سه‌رۆكێ یانه‌یا زاخۆ: ئه‌وێ په‌یامه‌كێ دژى مه‌ و بێ به‌لگه‌ به‌لاڤبكه‌ت دێ سكالا لسه‌ر هێته‌ تۆماركرن

سه‌رۆكێ یانه‌یا زاخۆ: ئه‌وێ په‌یامه‌كێ دژى مه‌ و بێ به‌لگه‌ به‌لاڤبكه‌ت دێ سكالا لسه‌ر هێته‌ تۆماركرن

وار – شڤان خه‌لیل :

شه‌ڤا ده‌ربازبووى ل باره‌گایێ یانه‌یا زاخۆ و ب به‌رهه‌ڤبوونا هژماره‌كا ده‌زگایێن راگه‌هاندنێ كارگێرییا یانه‌یا ناڤبرى كۆنگره‌یه‌كێ رۆژنامه‌ڤانى لژێر درۆشمێ په‌یاما راست گێریدا و دڤى كۆنگره‌ى دا هه‌ر ئێك ژ به‌رێزان عه‌بدولوه‌هاب محه‌مه‌د سه‌رۆكێ یانه‌یێ و خه‌لیل ئه‌حمه‌د سكرتێرێ یانه‌یێ هژماره‌كا خالان به‌رچاڤكرن.
لدۆر ڤێ كۆمبوونێ و ئه‌ڤ خال و پێشنیازێن هاتینه‌ دیاركرن، خه‌لیل ئه‌حمه‌د سكرتێرێ یانه‌یێ تایبه‌ت بۆ رۆژنامه‌یا وار بڤى ره‌نگێ دانه‌ دیاركرن:
• گرنگیدانا یانه‌یێ ب راگه‌هاندنێ ب شێوه‌یه‌كێ ئه‌كتیف بۆ به‌رلاڤكرنا په‌یاما راست.
• هه‌ر ده‌زگایه‌كێ راگه‌هاندنێ یان رۆژنامه‌ڤانه‌ك پایامه‌كا دۆر ژ راستییێ و نه‌دروست دژى یانه‌یێ به‌لاڤبكه‌ت و بێ به‌لگه‌بیت دێ كه‌ڤیته‌ به‌ر یارسایێ و دادگه‌هی.
• جه‌ماوه‌ر و پشته‌ڤانێن یانه‌یێن بلا ب گیانه‌كێ وه‌رزشى پشته‌ڤانیێ ل تیمێن مه‌ بكه‌ن و یێ ب تێكدانا یاریێ و یاریگه‌هێ رادبیت دێ ب 3 ملیۆن دیناران هێته‌ سزادان زێده‌بارى سێ مه‌هان دناڤ زیندانێ دا و بێى لێبۆرین و كه‌فاله‌ت.
• لایه‌كێ دى یێ كۆنگه‌رى سه‌رۆكێ یانه‌یێ دیاركر كو ئه‌و په‌یامێن د هنده‌ك ده‌زگایێن راگه‌هاندنێ دا به‌لاڤبووین كو یاریكه‌رێ رۆمانى هه‌ڤبه‌ستا زاخۆ به‌رامبه‌ر 700 هزار یۆرۆیا ئیمزاكریه‌ ئه‌ڤه‌ دۆره‌ ژ راستیێ و هه‌ڤبه‌ستا چو رۆمانییا نه‌هاتیه‌ ئیمزاكرن، تنێ گه‌هشتینه‌ رێكه‌ڤتنا ده‌ستپێكى.
• هه‌ر وه‌سان تێدا هاتیه‌ دیاركرن كو خه‌لیل ئه‌حمه‌د بۆ په‌یڤدارێ سه‌ره‌كێ یێ یانه‌یێ.
• دیسان بڕیار هاته‌ دان هه‌یڤێ جاره‌كا كارگێرییا یانه‌یێ كۆمبۆنه‌كێ دگه‌ل ده‌زگایێن راگه‌هاندنێ ئه‌نجام بده‌ت بۆ دیاركرن باشى و خرابیێن یانه‌یێ و گۆهدانا پێشنیازێن وان.

بابه‌تێن ب ڤێ مژارێ ڤه‌ گرێدای