سه‌رۆكێ چیكێ دخوازیت ناساندنا سه‌رخوه‌بوونا كۆسۆڤۆ ڤه‌كێشیت

سه‌رۆكێ چیكێ دخوازیت ناساندنا سه‌رخوه‌بوونا كۆسۆڤۆ ڤه‌كێشیت

WAAR-دهۆك:

سه‌رۆكێ چیكێ ئه‌ڤرۆ راگه‌هاند، ئه‌و دخوازیت وه‌لاتێ وی ناساندنا سه‌رخوه‌بوونا كۆسۆڤۆ ڤه‌كێشیت و دێ لێكۆلینێ ل دۆر شیانێن وێ گاڤێ كه‌ت.
میلۆس زێمان، ئه‌ڤرۆ د دوهه‌م رۆژا سه‌ره‌دانا خوه‌ بۆ سربیا ئاماژه‌ كره‌ وه‌لاتێ كۆسۆڤۆ كو به‌ری نها پارێزگه‌هه‌كا سربیا بوو و گۆت: ئه‌و دێ ل گه‌ل جڤاتا ده‌ستووری یا چیكێ كۆم بیت و ئه‌گه‌رێ ڤه‌كێشانا ناساندنا سه‌رخوه‌بوونا كۆسۆڤۆ گۆتوبێژ كه‌ت، وه‌زیرێ به‌رگریێ ژی پشته‌ڤانێ ویه‌ و ناساندنا كۆسۆڤۆ ب شاشی دبینیت.
زێمانی گۆت ژی: ئه‌و نه ‌كه‌سه‌كێ دكتاتۆره‌ له‌ورا نه‌شێت تاكئالی بریارێ بده‌ت گه‌ر وه‌سا با ئه‌و دا ژ مێژه‌ بالیۆزخانا چیكێ ل ته‌لئه‌ڤیڤ ڤه‌گۆهێزیته‌ قۆدسێ.
كۆسۆڤۆ ل سالا 2008ێ ژ سربیا جودا بوو و تا نها سه‌د وه‌لاتان دان ب سه‌رخوه‌بوونا وێ كریه‌ ژ وان ژی كۆمارا چیكێ لێ هێشتا سربیا و رۆسیا و چین ناساندنا وێ ره‌ت دكه‌ن.

بابه‌تێن ب ڤێ مژارێ ڤه‌ گرێدای