سه‌رۆكێ هه‌رێمێ: بارزانی گه‌لێ كوردستانێ گه‌هانده‌ كه‌نارێن ئارام

سه‌رۆكێ هه‌رێمێ: بارزانی گه‌لێ كوردستانێ گه‌هانده‌ كه‌نارێن ئارام

نێچیرڤان بارزانی – سه‌رۆكێ هه‌رێما كوردستانێ

WAAR-دهۆك:

سه‌رۆكێ هه‌رێما كوردستانێ ئه‌ڤرۆ پشتی سووندخوارنێ ل په‌رله‌مانێ كوردستانێ گۆتاره‌ك ئاراسته‌ كر و تێدا به‌حسا رۆلێ سه‌رۆكێ بارزانی وه‌ك پێشمه‌رگه‌ د به‌رهنگاربوونا داعشێ دا كر و گۆت: بارزانی ل به‌ره‌یێن شه‌ر راسته‌ راست به‌رگری ژ كوردستانێ كر و گه‌لێ كورد ژی گه‌هاند كه‌نارێن ئارام.

سه‌رۆكێ هه‌رێما كوردستانێ د گۆتارا خوه‌یا پشتی سووندخوارنێ دا، به‌حسا هێزێن پێشمه‌رگه‌یێ كوردستانێ كر و راگه‌هاند؛ ل قۆناغا بهێت پێشمه‌رگه‌دێ ژ هه‌موو روویه‌كی ڤه‌هێت رێكخستن و مافێن وان ل گۆری ده‌ستووری هێن زامن كرن.

نێچیرڤان بارزانی ل دۆر پێگه‌هێ هه‌رێما كوردستانێ ل ده‌ڤه‌رێ و هه‌روه‌ها هه‌ماهه‌نگی و كارێ هه‌ڤپشك گۆت: بۆ قۆناغا بهێت پێدڤییه‌ كارێ هه‌ڤپشك و هه‌ماهه‌نگییا هه‌رێما كوردستانێ و ئیراقێ و هه‌روه‌ها دگه‌ل وه‌لاتێن جیهانێ بهێت بهێزكرن و بۆ وێ مه‌ره‌كێ ژی، هه‌رێم دێ ده‌ستێ هاریكاریێ درێژكه‌ت.

سه‌رۆكێ هه‌رێما كوردستانێ د ژمارا ناكۆكیێن ئالیێن سیاسی یێن كوردستانێ ژی دا دیاركر، بۆ قۆناغا بهێت، ل شوونا ناكۆكییان بلا ئێدی ئالیێن سیاسی یێن كوردستانی یه‌كرێز بن و گۆت: ئه‌و ل وێ باوه‌رێ یه‌، د شیان دایه‌، ئه‌و یه‌ك بهێت كرن.

بابه‌تێن ب ڤێ مژارێ ڤه‌ گرێدای