سه‌رۆكێ هه‌رێما كوردستانێ دگه‌ل شانده‌كێ نه‌ته‌وه‌یێن ئێكگرتی كۆمبوو

سه‌رۆكێ هه‌رێما كوردستانێ دگه‌ل شانده‌كێ نه‌ته‌وه‌یێن ئێكگرتی كۆمبوو

WAAR-دهۆك:

سه‌رۆكێ هه‌رێما كوردستانێ ئه‌ڤرۆ دگه‌ل شانده‌كا نه‌ته‌وه‌یێن ئێكگرتی كۆمبوو، تاوانێن داعشێ، رۆل و قوربانیدانا هه‌رێمێ د به‌رهنگاربوون و شكاندنا وێ رێكخستنا تیرۆرستی دا گۆتوبێژ كرن.
نێچیرڤان بارزانی ئه‌ڤرۆ پێشوازی ل شانده‌كێ نه‌ته‌وه‌یێن ئێكگرتی ب سه‌رۆكاتییا كه‌ریم ئه‌سعه‌د خان، هاریكارێ تایبه‌تێ سكرتێرێ گشتیێ نه‌ته‌وه‌یێن ئێكگرتی بۆ لێكۆلینێ ل تاوانێن داعشێ كر و هه‌ردو ئالییان، تاوانێن داعشێ ل كوردستانێ، رۆل و قوربانیدانا هه‌رێمێ د روو ب روو بوون و شكاندنا وێ رێكخستنا تیرۆرستی دا، هه‌روه‌ها پاراستنا پێكهاته‌یان بێی جوداهی گۆتوبێژ كرن.
كه‌ریم ئه‌سعه‌د خان كورتییه‌ك ده‌باره‌ی لێكۆلینێن وان ل سه‌ر تاوانێن داعشێ و كۆمكرنا به‌لگه‌یان ل دووڤ پیڤه‌رێن نێڤده‌وله‌تی بۆ سه‌رۆكێ هه‌رێما كوردستانێ به‌حسكر و گۆت: بۆ ب جینۆسایدكرنا وان تاوانان ئه‌و دێ پشته‌ڤانییه‌كا ته‌مام كه‌ن.
ژ ئالیێ خوه‌ڤه‌، نێچیرڤان بارزانی زێده‌باری ده‌ستخۆشیێ ل تیما نه‌ته‌وه‌یێن ئێكگرتی بۆ لێكۆلینێ ل تاوانێن داعشێ، به‌رهه‌ڤی و پابه‌ندییا هه‌رێمێ بۆ كارێ هه‌ڤپشك ژبۆ ب ده‌ستخستنا دادوه‌ریێ د كه‌یسا ناڤهاتی دا دیاركر.
سه‌رۆكێ هه‌رێما كوردستانێ به‌حسا قوربانیدانا هه‌رێمێ د به‌رهنگاربوونا داعشێ دا كر و دوپای ل پابه‌ندبوونێ ژی ب پره‌نسیپ و بنه‌مایێن پێكڤه‌ ژیانێ و پاراستنا پێكهاته‌یان كر.

بابه‌تێن ب ڤێ مژارێ ڤه‌ گرێدای