سه‌رۆكێ بۆلیڤیا: ئەمریکا دخوازیت من ببته گوانتنامۆ

سه‌رۆكێ بۆلیڤیا: ئەمریکا دخوازیت من ببته گوانتنامۆ

WAAR-دهۆك:

سەرۆکێ دەستژکارکێشایی یێ بۆلیڤیا راگەھاند؛ ل رۆژا وی دەستژکارکێشانا خوە راگەھاندی، ئەمریکا فرۆکەکا تایبەت بۆ ھنارت داکو ژ وی وەلاتی دەرکەڤیت، لێ دوپات کر کو ئارمانجا وان ئەو بوو وی بۆ زیندانا گوانتنامۆ ببەن.
ئیڤۆ مۆرالیس پشتی چەندین رۆژێن خوەنیشاندان و رەڤینا وی بۆ مەکسیکێ گۆت: ل رۆژا دەھێ ڤێ مەھێ پشتی بریارا دەستژکارکێشانێ، بەرپرسێن ئەمریکی پەیوەندی ب وەزیرێ دەرڤە یێ بۆلیڤیا کر و ئەو ھایدار کر کو فرۆکەیا تایبەت یا ئەمریکی دێ گەھیتە کۆچکا سەرۆکاتیا بۆلیڤیا و دێ وی بۆ ھەر جھەکێ وی دڤێت، دەرباز کەت، لێ دیار کر کو ئارمانجا ئەمریکا ئەو بوو وی بۆ زیندانا گوانتنامۆ ببەن، لەورا وی ئەو پێشنیازا ئەمریکا رەت کر.
مۆرالیس پشتی بیست رۆژێن خوەنیشاندانان و فشارێن سوپایی، ل رۆژا دەھێ ڤێ مەھێ دەست ژ پۆستێ سەرۆکاتیا بۆلیڤیا بەردان و پاشان ب فرۆکەکا تایبەت رەڤی مەکسیکێ.

بابه‌تێن ب ڤێ مژارێ ڤه‌ گرێدای