سه‌رۆكهه‌رێم نێچیرڤان بارزانى گه‌هشت توركیا

سه‌رۆكهه‌رێم نێچیرڤان بارزانى گه‌هشت توركیا

WAAR-دهۆك:

سەرۆکێ ھەرێما کوردستانێ ئەڤرۆ گه‌هشت سته‌نبۆلێ و دێ ل گه‌ل ره‌جه‌ب ته‌یب ئه‌ردۆگانى كۆم بیت، سەرۆککۆمارێ تورکیا ژى دێ وەکو مێھڤانەکێ تایبەت پێشوازیێ لێ کەت.
په‌یامنێری وار ل توركیا راگه‌هاند؛ ئه‌ڤرۆ نیڤرۆ نێچیرڤان بارزانى سه‌رۆكێ هه‌رێما كوردستانێ گه‌هشت رۆژئاڤایێ باژارێ سته‌نبۆلێ و بریاره‌ سعه‌ت سێ ل كۆچكا سه‌رۆكاتییا دۆلمه‌باخچه‌ ژ ئالییێ ره‌جه‌ب ته‌یب ئه‌ردۆگان، سه‌رۆككۆمارێ توركیا ڤه بهێت پێشوازیكرن.
رەجەب تەیب ئەردۆغانى دوهى د دیدارەکێ دا د گەل ھەژمارەکا رۆژنامەڤانان ل ستەنبۆلێ راگەھاندبوو؛ رۆژا ئەینی دێ پێشوازییێ ل مێھڤانەکێ تایبەت کەت، ئەو ژی نێچیرڤان بارزانی، سەرۆکێ ھەرێما کوردستانێ یە.
سەرەدانا سه‌رۆكێ هه‌رێم بارزانی یا تورکیا، دێ بیتە ئێکه‌م سەرەدان بۆ تورکیا و دەرڤەی وەلاتی، پشتی وەکو سەرۆکێ ھەرێمێ دەست ب کار بووی.
ل دەمێ دەستبکاربوونا نێچیرڤان بارزانی وەکو سەرۆکێ ھەرێما کوردستانێ، رەجەب تەیب ئەردۆگان، سەرۆککۆمارێ تورکیا د پەیوەندییەکا تێلەفۆنی دا پشتەڤانییا تورکیا بۆ ھەرێما کوردستانێ و نێچیرڤان بارزانی د پۆستێ وی یێ نوو دا دوپات کر.

بابه‌تێن ب ڤێ مژارێ ڤه‌ گرێدای