سه‌رۆكا هۆنگ كۆنگ هۆشداری ژ هه‌رفتنا ئابۆری دان

WAAR- دهوك:

سه‌رۆكا هه‌رێما هۆنگ كۆنگێ ئه‌ڤرۆ هۆشداری دان كو هه‌رێما وێ تۆشی هه‌رفتنه‌كا ئابۆری ببیت لێ ره‌ت كر ژی داخوازیێن خوه‌نیشانده‌ران بجهبینیت.
كاری لامێ سه‌رۆكا هه‌رێما هۆنگ كۆنگێ ئه‌ڤرۆ گۆت: دو مه‌هێن خوه‌نیشاندانێن به‌رده‌وام ئالۆزی د ئابۆریا هۆنگ كۆنگێ دا دروست كرینه‌ و ئه‌گه‌رێن كه‌فتنه‌كا ئابۆری هه‌نه‌ و ده‌مه‌كێ درێژ دڤێت هه‌تا ئه‌و بشێن وێ ره‌وشێ ئاسایی بكه‌نه‌ ڤه‌.
سه‌رۆكا هه‌رێما هۆنگ كۆنگێ ره‌ت كر داخوازێن خوه‌نیشانده‌ران بجهبینیت و گۆت: ئه‌و ب چ ره‌نگه‌كی ده‌ستان بۆ خوه‌نیشانده‌رێن ئاژاوه‌گیر ناداهێلیت.
كه‌رتێ تایبه‌ت و گه‌شتیاری مه‌زنترین زیان ژ خوه‌نیشاندانێن ملیۆنی یێن وێ هه‌رێمێ دژی بریاره‌كا د به‌رژه‌وه‌ندیا چینێ دا دیتینه‌.
ژ ئالیێ خوه‌ ڤه‌ حكوومه‌تا چینێ داخاز ژ وه‌لاتێن رۆژئاڤا كر مایتێكرنێ د كارێن ناڤخۆیێن هۆنگ كۆنگێ دا نه‌كه‌ن.