سه‌دری نامه‌یه‌ك ئاراسته‌ی كوردان كر

سه‌دری نامه‌یه‌ك ئاراسته‌ی كوردان كر

WAAR-دهۆك:

رابه‌رێ ره‌وتا سه‌دری و سه‌رۆكێ هه‌ڤپه‌یمانییا سائیروون نامه‌یه‌ك ئاراسته‌ی كوردان كر و تێدا داخواز كر, پێكڤه‌ ئیراقێ رزگار بكه‌ن و كه‌ركووكێ بكه‌نه‌ نموونه‌یا پێكڤه‌ژیانێ.
موقته‌دا سه‌دری پشتی رۆژه‌كێ ژ سه‌ره‌دانا شاندا هه‌ڤپه‌یمانییا ئاڤه‌دانی و چاكسازیێ بۆ هه‌ولێرێ و كۆمبوونا ل گه‌ل سه‌رۆك بارزانی، تویته‌ك بەلاڤ کر و ژ گەلێ کورد خواست: ئێكگرتی و بهێز ببن، نه‌ زۆریێ بكه‌ن نه ‌ژی زۆرییا ل هەمبەر خوە قەبوول بکەن و پاریێ ژیانێ د ناڤبه‌را هه‌ڤ دا ب وژدان و دادپه‌روه‌رانه‌ پارڤه‌ بكه‌ن.
سەدری نڤیسییه‌ ژی، کو رێ ناده‌ن ده‌ستدرێژی ل سه‌ر كوردان بهێته‌ كرن و کورد ب خوازیارێ ڤیان و میانره‌ویێ ناڤ کرن‌ و جوداهی یا د ناڤبه‌را كورد و عه‌ره‌بان دا ب خوداپه‌رێسی و ڤیانا نشتیمانی دا نیاسین.
سه‌دری هەروەسا ژ كوردان خواست: هاریكار ببن دا کو ئیراق بهێتە رزگارکرن و ده‌ست ژ پشك پشكانێ به‌ر بده‌ین، گه‌نده‌لان دوور بێخین و كه‌ركووكێ بكه‌نه‌ نموونه‌یا پێكڤه‌ ژیانا ئاشتیانه‌ یا هه‌موو پێكهاته‌یان.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.