سه‌دری داخواز ژ عه‌بدولمه‌هدی كر ده‌ستهلاتێ بهێلیت

سه‌دری داخواز ژ عه‌بدولمه‌هدی كر ده‌ستهلاتێ بهێلیت

WAAR-دهۆك:

رێبه‌رێ ره‌وتا سه‌در داخواز ژ سه‌رۆك وه‌زیرێن ئیراقێ كر ده‌ست ژ كار ب كێشیت و راگه‌هاند؛ ئیراق دێ وه‌ك سووریایێ لێ هێت.
موقته‌دا سه‌در رێبه‌رێ ره‌وتا سه‌دری ل سه‌ر ئه‌كاونتا خوه‌ یا تویته‌ری داخواز ژ عادل عه‌بدولمه‌هدی سه‌رۆكێ وه‌زیران كرییه‌، رێ ل خوه‌ینرێشتنی بگریت و هه‌ر زوو ده‌ست ژ كاری بكێشیت.
سه‌دری هه‌روه‌ها داخواز ژ خوه‌نیشانده‌ران كرییه‌ ده‌ست ژ مافێ خوه‌ به‌رنه‌ده‌ن و گۆت: ئه‌گه‌ر حكومه‌ت ده‌ست ژ كار نه‌كێشیت، ئه‌ڤه‌ دێ بیته‌ ده‌ستپێكا ژناڤچوونا ئیراقێ.
سه‌در ل ده‌ربارا ده‌ستهلاتدارێن شیعه‌ ژی گۆتییه‌ كو وی چ په‌یوه‌ندی ب وان ڤه‌ نینه‌ و دڤێت ئه‌و ژ ریهـ و ریشالا ڤه‌ بهێن لادان و دوور كرن.
رێبه‌رێ ره‌وتا سه‌دری ل داوییا په‌یاما خوه‌ ژی گۆتییه‌ كو وی دو بانگه‌وازی بۆ حكومه‌تێ هه‌نه‌، ئه‌و ژی ده‌ست ژ كار كێشانه‌ داكو ئیراق نه‌بیته‌ سووریایا دوێ.

بابه‌تێن ب ڤێ مژارێ ڤه‌ گرێدای