سلێمانی.. پارتی و گۆران ل سەر پێکئینانا 2 لژنەیان رێککەفتن

سلێمانی.. پارتی و گۆران ل سەر پێکئینانا 2 لژنەیان رێککەفتن

WAAR-دهۆك:

شاندێن پارتییا دیمۆكرات یا كوردستانێ و ته‌ڤگه‌را گۆرانێ پشتی کۆمبوونا خوە یا ئەڤرۆ ل سلێنمانیێ راگه‌هاندنه‌كا هه‌ڤپشك به‌لاڤ کر و پێکئینانا دو لژنەیان راگەهاند.
ل گۆرەی راگەهاندنا هەڤپشک یا شاندا بلند یا پارتی، ب سەرۆکاتییا نێچیرڤان بارزانی، جێگرێ سەرۆکێ پارتییا دیمۆکرات یا کوردستانێ و شاندا دانوستاندنکار یا گۆرانێ ب سەرۆکاتییا جەلال جەوهەری، هەردو ئالییان د کۆمبوونا خوە یا ئەڤرۆ ل گرێ زه‌رگه‌ته‌ دوپاتی ل بلەزخستنا پێڤاژۆیا پێکئینانا حکومەتا نوو یا هەرێما کوردستانێ، ل سەر بنەمایێن خزمەتگوزارییا چاکسازیێن بنەرەتی و رێزگرتنا ل ئیرادەیا دەنگەران کر.
پارتی و گۆرانێ د کۆمبوونا ئەڤرۆ دا هەروەسا بریارا پێکئینانا دو لژنەیان دا، ئێک ژ بۆ لهەڤ نێزیکرنا بۆچوونێن هەردو ئالییا ل سەر کارنامەیا حکومەتا نوو، یا دی ژی ژبۆ دانانا پیڤەرێن چاوانییا پشکدارییا دحکومەتێ دا.
شاندا پارتی دەهی دەست ب گەرا سێیێ یا دانوستاندنێن خوە یێن پێکئینانا حکومەتا نوو یا هەرێما کوردستانێ كر و ل ھەولێرێ ل گەل شاندەکا مەکتەبا سیاسی یا ئێکەتیێ کۆم بوو.

بابه‌تێن ب ڤێ مژارێ ڤه‌ گرێدای