ســیــاســەت و دیـــانــەت

دلۆڤان ئەمجەد بارزانی

سیاسەت و دیانەت ئەڤ ھەردوو بابەتە یێت بووینە قسە و باسێن ل سەر دەڤێ ھەمی تەخ و چینان دناڤ جڤاکی دا، ھەر ل زارۆکان بگرە ھەتا گەنج و دانعەمران. _ ل ھەڕێما کۆردستانێ ب تایبەتی و ل رۆژھەلاتا ناڤین “شرق الأوسط “ب گشتی بچیە ھەر مەجلسەکێ یان ژی دەف ئێك یان ژی ھندەك ژ ھەڤالان یان ژی ھەر جھەکێ دی کۆ بۆنەوەرێن ب ناڤێ مڕۆڤ لێ بن. بەس باسێ دو تشتا دھێتە کرن:- ١_ ســیــاســەت ، ٢_ دیـــانــەت. _ ب بۆچوونا من ئەڤ ھەردو بابەتە د تایبەتن و ب کەسایەتیا مڕۆڤی ڤە دگرێداینە؟ لێ مخابن ئەڤە دناڤ خەلکێ کۆردستانێ و رۆژھەلاتا ناڤین “شرق الأوسط” دا یا بوویە داب و نەریت، ھەتا وی ڕادەی کۆ ل دەسپێکا ھەڤنیاسینا دو کەسان دا ئەڤ دو پسیارە ل دەسپێکێ دھێنە کرن ئەو ژی:- _ ئـەرێ تـۆ لایـەنـگـیـرێ کـێـش پـارتـا سـیـاسـی؟ _ ئـەرێ بـیـروبـاوەرێـن تـە چـنـە؟ تـۆ ل سـەر چ ئـایـنـی؟ ھندی ئەم ب دیڤ ڤان تشتان ڤە بین چجاران ئەم پێشناکەڤین و چجاران ئەم د وەلاتەکێ دا و دبن سێبەرا ئێك ئالا دا ناژین. ئەڤ چەندەیە بوویە ئەگەرێ پەیدابوونا لاوازیا ھزری و بێھێزیا پێشڤەچوونان ل رۆژھەلاتا ناڤین. ئەگەر ئەم ب درستی تەماشایێ وەلاتێن ئەورۆپی بکەین، پاشی تەماشای رۆژھەلاتا ناڤین بکەین دێ بۆ مە دیاربیت کا ئەو چەندێن پێش مە دا و چەند یێن پێشکەفتین. بەرۆڤاژی وان ئەم چەندێن ڤەمای و دناڤ پاشکەفتنا خۆ دا ئەمێت نقوومبووین. راستە دڤێت ئەڤ ھەردو تشتە ل دەف مڕۆڤی ھەبن سیاسەت و دیانەت:- ســیــاســەت:- یەعنی نێزیك بوون ژ چاکیێ و دووربوون ژ خراپیێ، سیاسەت ھۆنەرێ ب ڕێڤەبرنا وەلاتی یە لسەر بنەمایەکێ راست و درست کۆ د بەرژەوەندیا گشتی دابیت. دیـــانــەت:- ئەوە کۆ مرۆڤ پێ نێزیکێ خۆدێ بیت و ڕێکا خۆدێ پێ بناسیت، مرۆڤی بەرەڤ باشیێ و میھرەبانیێ ڤە دبەت زۆرێ پیرۆزە و یێ گرێدایی یە ب کەسی خۆڤە دناخێ مرۆڤی دا شۆل دکەت و شین دبیت . لێ بەلێ ھەتا نھا ژی خەلکێ مە ب درستاھی دڤان ھەردوو بابەتان نەگەھشتینە و ب درستاھی لێك نا دەنەڤە، ھەر لایەنێ نەڕینی دگرن و چجاران ئەڕینی نەبوونە. _ ئەرێ بۆچی ئەم خەلکێ ھەڕێما کۆردستانێ ب تایبەتی و رۆژھەلاتا ناڤین “شرق الأوسط” ب گشتی ئەم ناھێین ل جیاتی ڤان ھەردو تشتێن ب مرۆڤی ڤە گرێدایی ، باسێ بابەتێن ڕوشەنبیری و زانین و پێشکەفتنا و داھێنانێت نۆی بکەین. دا بشێین خۆ وەك کەس پێبگەھینین و وەلاتێ خۆ دەولەتا خۆ بەرەڤ پێشڤە ببەین وەکی ھەر دەولەتەکا دیا ئەورۆپی . ئەرێ ماچیێ ژمە کێمە مەژی وەکی وان دو دەست و دوو چاڤ و دو پێ نینە کۆ بشێن ببینین و کاربکەین و لسەر پێت خۆ راوەستین. بێگومان ئەم ژی وەکی وان مرۆڤین، لێ بەلێ ھزرو بیرو بۆچوونێن مە دگەل ھزرو بیرو بۆچوونێن وان زۆر زۆر د جودانە . لەوما دڤێت ئەم دەستپێکێ ل خۆ دەست پێ بکەین ، خۆ چێکەین مرۆڤایەتیێ و ئێکدی قبوول کرنی بکەینە پیڤەرێ سەرەکیێ ژیانا خۆ، چاڤێن خۆ ڤەکەین دا بشێین جیھانێ ب رۆنی ببینین د ژیانێ بگەھین، ب دلەکێ مەزن ھەمی کەسان قەبوول بکەین لسەر بنەمایێ مرۆڤایەتیێ و ئێکگرتنێ بێ جۆداھیا دین و نەتەوە و ھەر تشتەکێ دی. بلا ھەردەم ل بیرا وەبیت کۆ “ھــەڤــالــیــنـی و بــرایــنــی ل ھــەمــی تــشــتــا پــیــرۆز تــــر و ب قــەدر تــرن بـــەس کــۆ ل ســەر بـنـاغــەیــەکــێ راســــت و درســـت بـــن”.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.