سعوودیێ‌ زكاتا حه‌جیێن كورد وه‌رنه‌گرتن

سعوودیێ‌ زكاتا حه‌جیێن كورد وه‌رنه‌گرتن

hecyenkurdistane

وار – شه‌هاب زه‌نگه‌نه‌ :

په‌یڤدارێ‌ وه‌زاره‌تا ئه‌وقاف و كاروبارێن ئایینی ل حوكمه‌تا هه‌رێما كوردستانێ‌ ل وه‌لاتێ‌ سعوودیێ‌ بۆ وار خویاكر كو هژماره‌كا حه‌جیان ڤیابوون زكاتان بده‌ن ب حه‌ره‌ما وه‌قفێ‌ ل كه‌عبه‌، لێ‌ ژ وان نه‌هاتن وه‌رگرتن و داخواز ژ وان هاته‌ كرن كو پارێن زكاتێن خوه‌ ب سه‌ر هه‌ژارێن كوردستانێ‌ دا پارڤه‌ بكه‌ن.
مه‌ریوان نه‌قشبه‌ندی گۆت: دوهی هژماره‌كا حه‌جیێن هه‌رێما كوردستانێ‌ ل گه‌ل به‌رپرسێ‌ وه‌قفێ‌ حه‌ره‌ما كه‌عبه‌ جڤیان و ڤیان زكاتێن خوه‌ بده‌نه‌ حه‌ره‌مێ‌ ، لێ‌ به‌رپرسێ‌ حه‌ره‌مێ‌ ژێ‌ وه‌رنه‌گرتن و گۆته‌ وان زكاتێن خوه‌ بزڤرینن و ل سه‌ر هه‌ژارێن وه‌لاتێ‌ خوه‌ پارڤه‌ بكه‌ن. وی به‌رپرسی بۆ حه‌جیان دیاكریه‌ كو ماده‌م ل وه‌لاتێ‌ هه‌وه‌ هه‌ژار هه‌نه‌ پێدڤییه‌ ڤان زكاتان بده‌نه‌ وان و ژبه‌ر هندێ‌ نه‌شێین ژ هه‌وه‌ وه‌ربگرین.
دهێته‌زانین كو نها ل هه‌رێما كوردستانێ‌ حوكمه‌ت و وه‌لاتی ژی د قه‌یرانه‌كا داراینه‌ و پتری دو ملیۆن ئاواره‌ و په‌نابه‌ران ژی لێ‌ د ئاكنجینه‌.

بابه‌تێن ب ڤێ مژارێ ڤه‌ گرێدای