سعوودییه‌.. 23 حاله‌تێن نوو یێن ڤایرۆسا كۆرۆنا هاتنه‌ تۆمار كرن

سعوودییه‌.. 23 حاله‌تێن نوو یێن ڤایرۆسا كۆرۆنا هاتنه‌ تۆمار كرن

وار – دهۆک :

عه‌ره‌بستانا سعوودیێ راگه‌هاند؛ 23 حاله‌تێن نوو یێن ڤایرۆسا كۆرۆنا ل وی وه‌لاتی هاتینه‌ تۆماركرن، هه‌ڤده‌م وه‌لاتێ كۆریا باشۆر مرنا دو كه‌سان بهه‌مان ڤایرۆس راگه‌هاند.
وه‌زاره‌تا ساخله‌میا سعوودییێ‌ ئاشكرا كر كو نها هزار و 38 نه‌خۆشێن ڤایرۆسا كۆرۆنا لسه‌رانسه‌ری وی وه‌لاتی هه‌نه‌ و هۆشداریدانه‌ هه‌موو سازیێن ساخله‌میێ كو د حاله‌تێ هۆشیاریێ دابن، ژ به‌ركو فایرۆس ب ئاوایه‌كێ به‌رچاڤ یا به‌لاڤدبیت و دوهی ژی 23 حاله‌تێن نوو هاتنه‌ تۆماركرن.
وه‌لاتێ سعوودییێ‌ پترین رێژا نه‌خۆشێن ڤایرۆسێ ل مه‌ها ئادارا ئه‌ڤ ساله‌ تۆماركربوون كو وه‌رزێ زانا حێشترانه‌ و لدووڤ داوی لێكۆلینا ژ ئالیێ وه‌لاتێ ئیماراتێ ڤه هاتییه‌كرن،‌ تێشكێن حێشترا ژێده‌رێ سه‌ره‌كی یێ په‌یدابوونا ڤایرۆسا كۆرۆنا یه‌.
د هه‌مان ده‌مدا وه‌زاره‌تا ساخله‌مییا كۆریا باشوور ئاشكراكر كو ئه‌ڤرۆ 2 وه‌لاتیێن وان یێن هه‌لگرێن فایرۆسا كۆرۆنا ژیانا خوه‌ ژ ده‌ست داینه‌.

بابه‌تێن ب ڤێ مژارێ ڤه‌ گرێدای