سعوودییه‌: 2 وه‌ستگه‌هێن هنارتنا په‌ترۆلێ كه‌فتنه‌ به‌ر هێرشه‌كێ

سعوودییه‌: 2 وه‌ستگه‌هێن هنارتنا په‌ترۆلێ كه‌فتنه‌ به‌ر هێرشه‌كێ

WAAR-دهۆك:

وه‌زاره‌تا په‌ترۆلا سعوودیێ به‌لاڤكر: دو وه‌ستگه‌هێن وان یێن هنارتنا په‌ترۆلێ ژ ئالیێ فرۆكه‌یێن بێ فرۆكه‌ڤان هێرش ل سه‌ر هاته‌ كرن.
خالد فالح، وه‌زیرێ په‌ترۆلا سعوودیێ ئاشكه‌را كر: فرۆكه‌یێن بێ فرۆكه‌ڤان هێرشی دو وه‌ستگه‌هێن وان ل نێزیك ریازێ كر، لێ نه‌بوونه‌ سه‌ده‌مێ راوه‌ستاندنا هنارتنا په‌ترۆلێ.
راگه‌هاند ژی: هێرش وێ چه‌ندێ د سه‌لمینن كو گه‌ف ل سه‌ر هنارتنا په‌ترۆلا جیهانی هه‌نه‌ و پێدڤییه‌ رووبرووی گرۆپێن تیرۆرستی یێن وه‌كی حوسیان ببن ئه‌وێن ئیران پشته‌ڤانیێ لێ دكه‌ن.
ژ ئالیێ خوه‌ڤه‌ تێله‌ڤزیۆنا مه‌سیره‌ یا سه‌ر ب حوسیان به‌لاڤكر: چه‌كدارێن حوسی ب رێیا فرۆكه‌یێن بێ فرۆكه‌ڤان هێرش كره‌ سه‌ر دو پێگه‌هێن گرنگ یێن سعوودی.

بابه‌تێن ب ڤێ مژارێ ڤه‌ گرێدای