سركێتێ‌ دهۆكێ‌ ل سلێمانیێ‌ دهێته‌ خار و ل هه‌ولێرێ‌ بلند دبیت!

سركێتێ‌ دهۆكێ‌ ل سلێمانیێ‌ دهێته‌ خار و ل هه‌ولێرێ‌   بلند دبیت!

شێرزاد نایف

ئاریشه‌یێن ڤان رۆژان هاتینه‌ گه‌لاله‌كرن و بوویه‌ گێله‌شۆ دناڤ سۆشیال میدیایێ‌ دا، سه‌را وێ‌ غه‌درا ل پارێزگه‌ها دهۆكێ‌ دهێته‌كرن، دبیت گه‌له‌ك ل گه‌ل بۆچوونا من نه‌بن، كو ببیته‌ بیردۆزا پیلانگێریێ‌، كو موئامه‌ره‌ بیت، سیاسه‌ت ل كیڤه‌ و كێشا كه‌هره‌بێ‌ ل كیڤه‌؟! به‌لێ‌ بۆچی دێ‌ به‌هرا سلێمانیێ‌ ژ دهۆكێ‌ پتر بیت و هه‌موو دزانن كو خه‌لكێ‌ دهۆك ل ڤان سالێن بۆری ب سه‌دان شه‌هید و قوربانی داینه‌، دهۆك گران دبیت و سلێمانیێ‌ بلند دبیت، هه‌ر چه‌نده‌ دهۆك و سلێمانی گیانه‌كن و مینا دبێژن به‌رییێن بنه‌كێ‌ نه‌، مێریێن كونجه‌كێ‌ نه‌!!، به‌لێ‌ ده‌ستێن ده‌ره‌كی دگه‌هنێ‌ و مه‌ گه‌له‌ك گرۆڤه‌ دیتن، كا كینه‌ حه‌ز دكه‌ن ده‌رز بكه‌ڤنه‌ د ئێكرێزیا گه‌لی كورد دا، دهۆكێ‌ ژ سلێمانییێ‌ تۆره‌ بكه‌ت و هه‌ولێرێ‌ ژ سلێمانییێ‌ و ب ڤی ره‌نگی تۆره‌ كه‌ت، تنێ‌ بۆ وێ‌ ئێكێ‌ ئه‌زموونا هه‌رێما كوردستانێ‌ خراب ببیت و ئه‌و هیلالێ‌ مه‌زن ته‌مام بیت، چونكو ب راستی ئه‌ڤ خواندنه‌ نه‌ ب ته‌كه‌هون بیت، ب شرۆڤه‌كرنا ب ڤی ره‌نگی دێ‌ دیاربیت، كو پارتی دیمۆكراتی كوردستانی موكمترین به‌ربه‌سته‌ د رێیا هیلالێ‌ ئیرانی دا، ب هه‌موو ره‌نگان یێن دهێنه‌ پارتی كو ژناڤ ببه‌ن، به‌لێ‌ نه‌شێن!! هه‌ر ژ كریارا خیانه‌تیا 16 ئوكتۆبه‌رێ‌ و حه‌تا نها به‌رده‌وام گرژی و ئالۆزی یێن دهێنه‌ پێش ژ لایێ‌ هێزێن سیاسی یێن سلێمانییێ‌ ڤه‌ و ئه‌ڤ چه‌نده‌ ژی خوه‌ ل ده‌مێ‌ هه‌لبژارتنا سه‌رۆك نێچیرڤان بارزانی بۆ سه‌رۆكاتیا هه‌رێمێ‌، به‌رهه‌ڤی رێوره‌سمان نه‌بوون، كو بۆیاغه‌كا نه‌شه‌رعی ده‌ربێخن هۆلێ‌! هه‌كه‌ نه‌ چو به‌رژه‌وه‌ندیا گشتی تێدایه‌ بۆ تێكدانێ‌؟!. ب راستی ژی سیاسه‌تا نێچیرڤانی بارزانی نه‌با دا گه‌له‌ك دربێن گۆژه‌ك ل مه‌ كه‌ڤن، ب دۆزا كوردی كه‌ڤن، ب هێزا خوه‌ یا سیاسی یا نه‌رم هه‌موو ئالیان بێده‌نگ دكه‌ت و گازی و توندیا وان هه‌ر بۆ وان دزڤریته‌ڤه‌، ئه‌و پتر بلند دبیت، ئه‌ڤجا ئه‌ڤرۆ ئه‌ڤ فلمه‌ هاته‌ پێش، نه‌چاركرنا حوكمه‌تێ‌ كو ل گه‌ل ملله‌تی و خه‌لكێ‌ دهۆكێ‌ ل شه‌رمێ‌ بده‌ت، پشتی كو كێشه‌ چه‌نده‌كێ‌ بلندبووی، سه‌رۆك نێچیرڤان بارزانی هاتیه‌ سه‌هێل ژی، هنده‌ك ژ نڤیسه‌ر و چاڤدێران تشتێ‌ خێری گۆتی و نڤیسی زێده‌باری ره‌خنه‌ گرتن ل لیژنه‌یا ئه‌نجوومه‌نێ‌ پارێزگه‌هێ‌ و هنده‌ك لایه‌نێن په‌یوه‌ندیدار، خه‌لكه‌كێ‌ چ پالدای بیت یان وه‌كو هێرش كرنه‌ سه‌ر ڤان بۆچوونان، كو ئه‌ڤ كێشه‌ ناهێته‌ چاره‌سه‌ركرن و نێچیرڤان بارزانی ناهێته‌ سه‌ر هێل، به‌لێ‌ ده‌ملده‌ست كێشه‌ كه‌فته‌ به‌ر به‌حس و ڤه‌كۆلینان و هه‌روه‌كو فراكسیۆنا پارتی ل په‌رله‌مانی یادشتنامه‌ك ئاراسته‌ی سه‌رۆكی كری و ژڤان و سۆز دان كو كێشه‌یێن دهۆكێ‌ چاره‌سه‌ر بكه‌ت، پتری هاتنه‌ كرن و دێ‌ هێته‌ سه‌ره‌دانا دهۆكێ‌ ژی، به‌لێ‌ هینگی ئه‌و ده‌نگێن هار دێ‌ بێده‌نگ بن یێن دبێژن سۆز ناهێته‌ بجهئینان، به‌لێ‌ چاوا سۆزا چاره‌كرنا قه‌یرانان ددا و گۆت و كره‌ كریار ژی، ئه‌ڤ ژی دێ‌ وه‌كو وێ‌ بیت له‌ورا دبێژین هیڤیێن خه‌لكێ‌ دهۆكێ‌ بارزانی یه‌، هه‌كه‌ گۆتنا من وه‌نه‌با، ده‌نگێن خوه‌ نه‌ددانێ‌ و ب شه‌رعی دهۆكییان بۆ سه‌ركیشییا خوه‌ باوه‌ری دا وی و حزبا وی و نه‌بس باوه‌رییه‌ بۆ پارتی به‌لكو دهۆك بۆ پارتی بڕبڕه‌یا پشتا وێ یه‌.

بابه‌تێن ب ڤێ مژارێ ڤه‌ گرێدای