سربیا ره‌ت كر چ په‌یوه‌ندی ب هێرشا نیوزیله‌ندا ڤه‌ هه‌بیت

سربیا ره‌ت كر چ په‌یوه‌ندی ب هێرشا نیوزیله‌ندا ڤه‌ هه‌بیت

WAAR-دهۆك:

وه‌زیرێ ده‌رڤه‌ یێ سربیا ره‌تكر وه‌لاتێ وی چ په‌یوه‌ندی ب هێرشا تیرۆرستی یا ل سه‌ر مزگه‌فتێن نیوزیله‌ندا هه‌بیت.
هێرشكه‌رێ هێرشا تیرۆرستیا نیوزیله‌ندا ل ده‌مێ هێرشا خوه‌ سترانێن نه‌ته‌وه‌په‌رست یێن سربی یێن دژی موسلمان و بۆسنیان دانابوونه‌ سه‌ر، ل هه‌مبه‌ری ڤێ یه‌كێ ئیڤاك داجیك، وه‌زیرێ ده‌رڤه‌ یێ سربیا هاته‌ ده‌نگ و گۆت: سربیا چ په‌یوه‌ندی ب وێ هێرشێ ڤه‌ نینه‌ و وان ژ چ كه‌سه‌كی نه‌خواستییه‌ تۆلا قوربانیێن سربی یێن شه‌رێ جیهانیێ دویێ ڤه‌كه‌ت.
داجیكی گۆت ژی: هێرشێن ب ڤی جۆری زیانێ ب به‌رژه‌وه‌ندیێن سربیا دگه‌هینیت و هه‌ر كه‌سه‌كێ هزرێن تیرۆرستی هه‌بن دێ هێته‌ گرتن.
هێرشكه‌رێ 49 موسلمان ل 2 مزگه‌فتێن نیوزیله‌ندا كوشتین خه‌لكێ ئوسترالیایه،‌ لێ ل ده‌مێ هێرش كری هێرشا خوه‌ ب زندی به‌لاڤ دكر، د به‌ر هێرشێ را سترانێن نه‌ته‌وه‌په‌رست یێن سربی یێن دژی موسلمان دانابوونه‌ سه‌ر.
ئه‌و ستران ل ده‌مێ شه‌رێ جیهانیێ دویێ ژ ئالیێ گه‌ریلایێن سربی یێن نه‌ته‌وه‌په‌رست و توندره‌و ڤه‌ هاتبوونه‌ دروستكرن و راسته‌راست د سترانان دا داخوازا توندوتیژیێ دكه‌ن.

بابه‌تێن ب ڤێ مژارێ ڤه‌ گرێدای