سربستانێ ناسناڤێ 8ێ گه‌هانده‌ ئۆرۆپایێ

سربستانێ ناسناڤێ 8ێ گه‌هانده‌ ئۆرۆپایێ

وار – دهۆک :

هه‌لبژارتیێ سربستانێ ب شیانێن راهێنه‌رێ خۆ یێ گه‌نج ڤیلكۆ باۆنۆڤیجى بناسناڤێ مۆندیالا لاوان ئه‌وا هه‌ڤركیێن وێ ل وه‌لاتێ نۆزله‌ندا دهاتنه‌كرن هاته‌ خه‌لاتكرن، پشتى د یارییا دوماهیێدا سه‌ركه‌ڤتنه‌كا ب زه‌حمه‌ت لسه‌ر هه‌لبژارتیێ به‌رازیلێ ئیناى ب دو گۆلان به‌رامبه‌ر گۆله‌كێ، هه‌لبژارتیێ مالى لرێزا سێێ هات پشتى بسه‌ركه‌ڤتى لسه‌ر هه‌لبژارتیێ سنیگالێ ب سێ گۆلان به‌رامبه‌ر گۆله‌كێ، د یاریكرنێن واندا ئه‌وێن دوهى سپێدێ هاتینه‌كرن.
هه‌لبژارتیێ سربیا هه‌ڤركا خۆ به‌رازیل بێ باركر ژ هه‌ڤپشكییا ئه‌رچه‌نتینێ خۆدانا نومره‌یا پێڤاى ب شه‌ش ناسناڤان، تێزانین به‌رازیلێ نه‌هـ جاران پشكدارى د مۆندیالا لاواندا كریه‌ و پێنج جاران بده‌ستخۆڤه‌ ئینایه‌.
تێزانین ناسناڤێ سربییا دبیته‌ ناسناڤێ هه‌شتێ بۆ وه‌لاتێن ئۆرۆپایێ پشتى هه‌ر ئێك ژ برتۆگال دو جاران و فره‌نسا و ئه‌لمانیا و ئسپانیا و یۆگسلافیا و ئێكه‌تییا سۆڤیێتى هه‌ر ئێكێ جاره‌كێ بده‌ستخۆڤه‌ بریه‌.

بابه‌تێن ب ڤێ مژارێ ڤه‌ گرێدای