ستەنبۆل.. نێچیرڤان بارزانى ل گه‌ل ئه‌ردۆگانى كۆم بوو

ستەنبۆل.. نێچیرڤان بارزانى ل گه‌ل ئه‌ردۆگانى كۆم بوو

WAAR-دهۆك:

سەرۆکێ ھەرێما کوردستانێ ئەڤرۆ گه‌هشت توركیا و ل كۆچكا سه‌رۆكاتییێ یا سته‌نبۆلێ ل گه‌ل ره‌جه‌ب ته‌یب ئه‌ردۆگانى كۆم بوو.
نێچیرڤان بارزانى، سه‌رۆكێ هه‌رێما كوردستانێ ئه‌ڤرۆ نیڤرۆ گه‌هشت باژارێ سته‌نبۆلێ و ژ ئالیێ ره‌جه‌ب ته‌یب ئه‌ردۆگانی ڤه‌ پێشوازی لێ هات كرن و پاشان نێچیرڤان بارزانى و ره‌جه‌ب ته‌یب ئه‌ردۆگان ب ئێك تۆمبێل چوونه ‌كۆچكا دۆلمه‌باخچه‌ و كۆم بوون.
سه‌ره‌دانا نێچیرڤان بارزانى یا تورکیا، ل سه‌ر داخوازا فه‌رمى یا ره‌جه‌ب ته‌یب ئه‌ردۆگانى یه‌ و ئێکه‌م سەرەدانه‌ بۆ تورکیا و دەرڤەی وەلاتی، پشتی وەکو سەرۆکێ ھەرێمێ دەست ب کار بووی.
رەجەب تەیب ئەردۆگانى دوهى د دیدارەکێ دا د گەل ھەژمارەکا رۆژنامەڤانان ل ستەنبۆلێ راگەھاندبوو؛ رۆژا ئەینی دێ پێشوازییێ ل مێھڤانەکێ تایبەت کەت، ئەو ژی نێچیرڤان بارزانی، سەرۆکێ ھەرێما کوردستانێ یە.

بابه‌تێن ب ڤێ مژارێ ڤه‌ گرێدای