ستراتیجیەتا ئەمریکا ل ھەمبەر رۆژھەلاتا ناڤەراست و کاریگەریا وێ ل سەر ھەرێما کوردستانێ

دلوه ر سعدالله بدیع

دونالد ترامب سەروک کومارێ ئەمریکا باس ل ستراتیجیەتا نوویا ئاسایشا ناتەوەی یا ئەمریکا دکەت د رۆژھەلاتا ناڤەراست دا و زۆر ب رۆنی و ب ئاشکرایی ب دژی ئیرانێ رادوستیت و ب پالپشتیا تیرۆرێ تومەتبار دکەت. ھەر دیسان دڤێ ستراتیجیەتێ دا باس ل وێ چەندێ کریە کو ئیرانێ دەست تێوەردان یا دناڤا گەلەک وەلاتێن رۆژھەلاتا ناڤەراست دا ھەی بەس تا نھا ب فەرمی گەف ل ئیرانێ نەکریە کو دەست ژ ڤێ دەست تێوەردانێ بەردەت. لەوما جھێ پرسیارێ یە بزانین ئایا ئەمریکا دێ چاوان شێت دەستھەلاتا خوە ل رۆژھەلاتا ناڤەراست ب ھێزکەت و ب چ شێوە دێ روو ب رووی بنپێکرنا ھەژموونا ئیرانێ بیت؟ بێگومان ئەمریکا دشێت د بوارێ سیاسی دا روو ب رووی ھەژموونا ئیرانێ بیت و د چەندین خالان دا باس ل بنپێکرنا نفوزا ئیرانێ کریە ل رۆژھەلاتا ناڤەراست، لێ تانھا ئەڤ ستراتیجیە راستەوخوە دیارنەکریە کو ب چ شێوە دێ د ئایندەی دا برێڤەچیت. ھەروەسا ژ ئارمانجێن سەرەکی یێن ئەمریکا دڤێ ستراتیجیەتێ دا ل ھەمبەر رۆژھەلاتا ناڤەراست دروستکرنا ھاوکێشەیەکێ یە ئەو ژی ھاوکێشەیا ھێزێ یە (Power balance) کو ئەڤ ھاوکێشەیە د بەرژەوەندیا ئەمریکا دایە ل ھەمبەر بنپێکرنا ھەژموونا ئیرانێ ب تایبەتی و کاریگەریا وێ ل سەر وەلاتێن عەرەبی ب گشتی . ژ لایەکێ دیڤە ئەگەر باس بکەین ئەمریکا د ستراتیجیەتا خوەدا زۆر گرنگی ل سەر ئێکگرتنا عیراقێ کریە ، ئانکو ئەمریکا د گەل عیراقەکا سەر ب خوەیە و ب دژی دەست تێوەردانێن دەرەکی یە و مەرەم ژێ ئەوە کو ل بن باندورا چ وەلاتان ڤە نەبیت و سەروەریا عیراقێ د دەستێن عیراقێ ب خوەدابیت و ل دووری سیاسەتا ئیرانێ بیت . لێ پرسیارا ھەری گرنگ ئەوە ئایا ستراتیجیەتا نوویا ئەمریکا دێ چ کاریگەریەک ل سەر کوردێن رۆژھەلات و ب تایبەتی ل سەر ھەرێما کوردستانێ ھەبیت؟ بێگومان ھەر گورانکاریەکا د سیستەمێ ئیرانێ دا بھێتەکرن کورد فاکتەرەکێ سەرەکی نە تێدا و ھەبوونا کوردان د ئیرانێ دا جھێ رەزامەندیێ یە د ستراتیجیەتا نوویا ئاسایشا نەتەوەی یا ئەمریکادا. ھەر دیسان مانا کوردان د ستراتیجیەتا نوویا ئەمریکادا زۆرا گرنگە ل سەر بەرژەوەندیا جیھانی د رۆژھەلاتا ناڤەراست دا ، ئانکو ھەبوونا کوردان فاکتەرەکێ سەرەکی یە ژ بەرکو شەرێ کوردان د گەل رێکخراوا تیرورستیا داعشێ کاریگەریەکا ئێکجار مەزن ل سەر جیھانێ کریە و دیارکریە کو کورد دشێن بەرھەنگاریا ھەر دوژمنەکی بن ئەگەر ھاتوو ب دژی ھەرێما کوردستانێ ب راوستن .

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.