ستراتیجییەتا نشتیمانی یا رووبرووبوونا گەندەلیێ هاته‌ پەسەند کرن

WAAR-دهۆك:

جڤاتا وەزیرێن ھەرێما کوردستانێ د کۆمبوونا خوە یا ئەڤرۆ دا، ستراتیجییەتا نشتیمانییا یا رووبرووبوونا گەندەلیێ ل ھەرێمێ پەسند کر.
جڤاتا وەزیرێن ھەرێمێ، ئەڤرۆ ب سەرپەرشتییا نێچیرڤان بارزانی سەرۆکوەزیران و جێگرێ وی قوباد تالەبانی کۆمبوو، تێدا سەرۆکێ دەستەیا دەستپاکیێ پرۆژەیێ ستراتیجیێ رووبرووبوونا گەندەلیێ ئاراستە جڤاتا وەزیران کر و ھات پەسەند کرن.
نێچیرڤان بارزانی سەرۆکوەزیرێن ھەرێمێ دیارکر، بۆ ئێکەم جارە ستراتیجیەتەکا بڤی شێوەی بھێت بەرھەڤکرن کو تێدا دەستھەلاتێن سەرەکی یێن ھەرێمێ پشکدارن، ھەروەسا قۆناغێن بجھئینانا وێ ژی ب گرنگ وەسفکرن.
ل گۆری راگەھاندنا جڤاتا وەزیرێن ھەرێمێ، وەزیرێ پەروەردەیێ بەحس ل رەوشا خواندنێ و گرنگییا خواندنا پیشەیی ل ھەرێما کوردستانێ کر، سەرۆکوەزیرێن ھەرێمێ ژی د ڤێ دەربارێ دا خواندنا پیشەیی ب گرنگ ل قەلەم دا و داخواز ژ وەزارەتا پەروەردەیێ کر نەخشەیەکی بۆ بجھئینانا پلانا خواندنا پیشەیی بەرھەڤ بکەت.
ھەر د ڤێ کۆمبوونێ دا وەزیرێن پەروەردەیێ گۆت: نھا ل ھەرێمێ پێنج ھزار و دوسەد و حەفتێ و پێنج خواندنگەھـ ھەنە، ئاماژەکر ژبلی فێرخوازێن ئاوارە، پتر ژ ملیۆنەک و حەفت سەد ھزار فێرخوازان ل ھەرێمێ ھەنە.

بابه‌تێن ب ڤێ مژارێ ڤه‌ گرێدای