سامانێن سرۆشتی: په‌كه‌كێ ب گۆژمێ 250 ملیۆن دۆلاران زیان ل هه‌رێما كوردستانێ دا

سامانێن سرۆشتی: په‌كه‌كێ ب گۆژمێ 250 ملیۆن دۆلاران زیان ل هه‌رێما كوردستانێ دا

وار – دهۆک :

وه‌زاره‌تا سامانێن سرۆشتی یا حكومه‌تا هه‌رێما كوردستانێ، په‌قاندنا بۆریا پترۆلا هه‌رێمێ ژ ئالیێ پارتا كرێكارێن كوردستانێ (په‌كه‌كێ) ڤه‌، شه‌رمزاركر و دیاركر؛ ب وێ كریارێ په‌كه‌كێ ب گۆژمێ 250 ملیۆن دۆلاران زیان ل هه‌رێما كوردستانێ دا.
د بایاننامه‌یه‌كێ دا وازاره‌تا سامانێن سرۆشتی ئاشكراكر؛ هه‌ر ژ 27 تیرمه‌ها ئه‌ڤ ساله‌، چه‌ندین جاران بزاڤێن تێكدانا بۆریا ڤه‌گۆهاستنا پترۆلا هه‌رێمێ ل توركیا هاتینه‌ كرن و داوی جار ژی، ئه‌و بۆری ب ته‌مامی تێكدا و هنارتنا پترۆلێ بۆ به‌نده‌رێ جه‌یهان هاته‌ راگرتن.
دیارژی كرییه‌؛ بۆریا پترۆلا هه‌رێمێ كو ژێده‌رێ سه‌ره‌كیێ داهاتێ خه‌لكێ باشوورێ كوردستانێ یه‌، خه‌لك و حكومه‌تا هه‌رێمێ ب وێ رێ یێ به‌رگرییا وان هه‌ڤركییان دكه‌ن یێن كو ل ده‌ڤه‌رێ به‌رهنگاری وێ دبن.
د به‌یانا وه‌زاره‌تێ دا هاتییه‌، د هێرشا خوه‌دا په‌كه‌كێ كێمترین زیان ل توركیا دایه‌ و زیان مه‌زن ب هه‌رێما كوردستانێ كه‌ڤتییه‌ كو بۆیه‌ ئه‌گه‌رێ ژ ده‌ستدانا 250 ملیۆن دۆلاران كو هه‌ڤبه‌ره‌ دگه‌ل مووچه‌یێن مه‌هانه‌ یێن هێزێن پێشمه‌رگه‌ی و ئاساییش ووه‌زاره‌تا ناڤخوه‌.
ل حه‌فتییا بۆری، هێزا پاراستنا گه‌ل (هه‌په‌گێ) كو هێزا چه‌كدارا په‌كه‌كێ یه‌، بۆریا ڤه‌گوهاستنا پترۆلا هه‌رێمێ ل باژارێ شرناخێ ل باكوورێ كوردستانێ، په‌قاند.

بابه‌تێن ب ڤێ مژارێ ڤه‌ گرێدای