سازییەکا راپرسییان: رێژەیا دەنگدەرێن ئاکەپێ 11% داکەفتییە

سازییەکا راپرسییان: رێژەیا دەنگدەرێن ئاکەپێ 11% داکەفتییە

WAAR-دهۆك:

رێڤەبەرێ سازییەکا راپرسی و لێکۆلینان ل تورکیا دیار کر کو رێژەیا دەنگدەرێن ئاکەپێ یازدە ژ سەدێ داکەفتییە و ب زەحمەت بشێت ڤەگەریت ھێزا خوە یا بەری نھا.
بەکر ئەغیردیر، رێڤەبەرێ گشتی یێ کۆمپانییا کۆندا یا راپرسی و لێکۆلینان ل تورکیا، کو د دەما بووری دا راپرسییێن باوەرپێکری کرینە، د داخویانییەکێ دا ل دۆر ئەنجامێن داوی ھەلبژارتنان ل تورکیا و پێشھاتێن ئالیگرییا پارتییێن سیاسی، ئاشکەرا کر؛ د دەما بووری دا رێژەیا دەنگدەرێن پارتییا دەستھەلاتدار، پارتییا داد و گەشەپێدانێ، ژ 38% بۆ 27%ێ، ئانکۆ 11% داکەفتییە و ھێشتا ژی ل سەر داکەفتنێ بەردەوامە و ڤەگەریانا رەونەقا ئاکەپێ د مەیدانا سیاسی دا گەلەک زەحمەتە.
ئەغیردیر دیار ژی کر: ئاکەپە پشتی ژدەستدانا شارەدارییێن مەزن یێن تورکیا د ھەلبژارتنێن شارەدارییان یێن داوییێ دا، تۆشی رەوشا ڤالنجێ بوویە و رێژەیا دەنگدەرێن نەجھگیر ژی ل تورکیا ژ بەر وێ رەوشا ئاکەپێ درست کری، بۆ چل ژ سەدێ بلند بوویە.

بابه‌تێن ب ڤێ مژارێ ڤه‌ گرێدای