سارا عیدان: دوژمناتییا دەولەتا جوھیان پشکەکە ژ دوژمناتییا سامیەتێ

سارا عیدان: دوژمناتییا دەولەتا جوھیان پشکەکە ژ دوژمناتییا سامیەتێ

WAAR-دهۆك:

شاھجوانا بەرێ یا ئیراقێ د جڤاتا مافێن مرۆڤی دا بەرگرییەکا مەزن ژ ئسرائیلێ کر و رەخنە ل حکومەتا بەغدا گرتن، کو پشتەڤانییا وێ نەکرییە پشتی گەفێن کوشتنێ لێ ھاتین کرین ژبەر وێنێ وێ د گەل شاھجوانا ئسرائیلێ.
سارا عیدان، یا نوونەراتییا ئیراقێ د بەریکانا شاھجوانا دونیایێ دا کری وەلاتێن ئەرەبی شەرمزار کرن یێن رەخنێ ئسرائیلێ دگرن و راگەھاند؛ دوژمناتییا دەولەتا جوھییان پشکەکە ژ دوژمناتییا سامیەتێ.
سارا عیدان د جڤاتا مافێن مرۆڤی دا یا سەر ب نەتەویێن ئێکگرتی ڤە ل جنێفێ راگەھاند؛ ژبەر وێنێ وێ د گەل شاھجوانا ئسرائیلێ، گەفێن کوشتنێ لێ ھاتینە کرن، ژبەر وێ یەکێ ژی نەشیت ڤەگەریتە وەلاتێ خوە.
شاھجوانا بەرێ یا ئیراقێ گۆت ژی: بۆچی کەس بەحسا تەڤگەرا حەماس یا تیرۆرستی ناکەت کو د حەفتییەکێ دا 700 مۆشەک ئاراستەی سڤیلێن ئسرائیلێ کرینە، حەماسی ژی وەلاتیێن فەلەستینی وەکو مەرتالێن زیندی بکاردئینیت.
پشتی وێنەیێ وێ د گەل شاھجوانا ئسرائیلێ بەلاڤ بووی، مالباتا سارا عیدان نەچار بوو ئیراقێ بجھـ بھێلیت و ژیانا خوە ژ کوشتنێ رزگار بکەن.

بابه‌تێن ب ڤێ مژارێ ڤه‌ گرێدای