ساخله‌مییا دهۆكێ زێده‌بوونا تۆشبوویێن نه‌خۆشییا په‌نجه‌شێرێ راگه‌هاند

ساخله‌مییا دهۆكێ زێده‌بوونا تۆشبوویێن نه‌خۆشییا په‌نجه‌شێرێ راگه‌هاند

وار – سادق محه‌مه‌د :

ل رۆژا جیهانییا په‌نجه‌شێرێ دوهى ساخله‌مییا دهۆكێ زێده‌بوونا تۆشبوویێن وێ نه‌خۆشیێ د ئامارێن خوه‌ دا راگه‌هاند.

د. نزار عسمه‌ت رێڤه‌به‌رێ گشتیێ ساخله‌مییا دهۆكێ ئاماژه ‌كر نه‌خۆشییا په‌نجه‌شێرێ ب مه‌ترسی دا زانین و گۆت: “هه‌بوونا شه‌ڕێ دگه‌ل تیرۆرستان و هاتنا هه‌ژماره‌كا زۆرا ئاواره‌یان و پاشمایێن شه‌ڕێن لسه‌ر هه‌رێمێ هاتینه‌ كرن، فاكته‌رێن مه‌ترسییا تۆشبوونێ ب په‌نجه‌شێرێ په‌یدا دكه‌ن”.

سه‌باره‌ت ئامارێن ل پارێزگه‌ها دهۆكێ هاتینه‌ تۆماركرن، د.زه‌كی علی تایبه‌نمه‌ندێ‌ نه‌خۆشییا په‌نجه‌شێرێ‌ راگه‌هاند؛ لدووڤ وان ئامارێن لده‌ڤ مه‌ هاتینه‌ تۆماركرن، ل سالا 2013ێ ل پارێزگه‌هێ 497 كه‌س تووشببوو‌ن، ل سالا 2014 ئه‌ڤ رێژه‌‌ زێده‌بوویه‌ و بوونه‌ 1070 نه‌خۆش، كو  ب رێژه‌یا 35% ژ وێ‌ هه‌ژمارێ‌ په‌نابه‌ر بووینه‌.

بابه‌تێن ب ڤێ مژارێ ڤه‌ گرێدای