سائیرون: دانوستاندنێن وان و فه‌تح ل دۆر وه‌زاره‌تا ناڤخۆ د به‌رده‌وامن

سائیرون: دانوستاندنێن وان و فه‌تح ل دۆر وه‌زاره‌تا ناڤخۆ د به‌رده‌وامن

WAAR-دهۆك:

هه‌ڤپه‌یمانییا سائیرون ئه‌ڤرۆ راگه‌هاند؛ گۆتوبێژێن وان دگه‌ل هه‌ڤپیه‌مانییا فه‌تح ل دۆر به‌ربژارێ وه‌زاره‌تا ناڤخۆ به‌رده‌وامن و نزیك دێ گه‌هن لێكتێگه‌هشتنان.
هه‌ڤپه‌یمانییا سائیرون ل سه‌ر زارێ په‌رله‌مانتارێ خوه‌ رائید فه‌همی ئه‌ڤرۆ راگه‌هاند؛ دانوستاندنێن وان و هه‌ڤپه‌یمانییا فه‌تح ل دۆر به‌ربژارێ وه‌زاره‌تا ناڤخۆ به‌رده‌وامن و گه‌هشتینه‌ لێك تێگه‌هشتنان و ل نزیك دكۆمبوونێن په‌رله‌مانی دا دێ هێن پێشكێشكرن، ژڤانێ پێشكێشكرنا ناڤێن به‌ربژاران ژی د ده‌ست عه‌بدولمه‌هدی دا یه‌.
خویا ژی كر، هه‌ردو ئالی ژ بۆ بڕیاردانێ ل سه‌ر هه‌ژماره‌كا قانوونێن گرنگ ل په‌رله‌مانێ و د خزمه‌تا حكومه‌تێ دا گه‌هشتینه‌ رێككه‌فتنان.
ئه‌ڤه‌ د ده‌مه‌كی دایه‌ هه‌ڤپه‌یمانییا سائیرون دوهی راگه‌هاندییه‌، عادل عه‌بدولمه‌هدی سه‌رۆكێ وه‌زیرێن ئیراقێ ئه‌گه‌رێ گیرۆكرنا ته‌مامكرنا كابینه‌یا وه‌زاری یه‌، ژبه‌ركو ناڤێن وه‌زیرێن مایی رێككه‌فتن ل سه‌ر هاتییه‌ كرن و ل به‌ر ده‌ستێ وی نه‌ و هێشتا ئاراسته‌ی په‌رله‌مانی نه‌كرینه‌.

بابه‌تێن ب ڤێ مژارێ ڤه‌ گرێدای