زەریف: ئیران دێ ل سەر هناردەکرنا پەترۆلێ بەردەوام بیت

زەریف: ئیران دێ ل سەر هناردەکرنا پەترۆلێ بەردەوام بیت

WAAR-دهۆك:

وەزیرێ دەرڤە یێ ئیرانێ رژدە کو وەلاتێ وی دێ ل سەر هناردەکرنا پەترۆلێ بەردەوام بیت و داخواز کر، بریتانیا ب زووترین دەم کەشتییا پەترۆلێ یا ئیرانی بەردەت.
وەزارەتا دەرڤە یا ئیرانێ د بەیانەکێ دا راگەهاند، محەمەد جەواد زەریف و جێرێمی هانت، د پەیوەندییەکا تەلەفۆنی دا کێشەیێن گرێدایی گرتنا کەشتییا ئیرانی یا ڤەگوهاستنا پەترۆلێ و هێرشا ل سەر کەشتییا بریتانی ل کەنداڤی گۆتوبێژ کرن و زەریفی داخواز کرییە، بریتانیا ب زووترین دەم کەشتییا ڤەگوهاستنا پەترۆلێ یا ئیرانی بەردەت.
زەریفی دەربارەی سزایێن ئەمریکا و هناردەکرنا پەترۆلێ ژ ئالیێ ئیرانێ ڤە دوپات کرییە، د هەر رەوشەکێ دا و ل بن هەر فشارەکێ، ئیران دێ ل سەر هناردەکرنا پەترۆلێ بەردەوام بیت.

بابه‌تێن ب ڤێ مژارێ ڤه‌ گرێدای