زەریفی: ئیرانێ دەرگەھێ دانوستاندنان ل ھەمبەر ئەورۆپا دانەخستییە

زەریفی: ئیرانێ دەرگەھێ دانوستاندنان ل ھەمبەر ئەورۆپا دانەخستییە

WAAR-دهۆك:

وەزیرێ دەرڤە یێ ئیرانێ راگەھاند؛ وەلاتێ وی تا نھا دەرگەھێ دانوستاندنان ل ھەمبەر ئەورۆپا دانەخستییە و ئارمانجا وان رزگارکرنا رێککەفتا ئەتۆمی یە.
موحەمەد جەواد زەریفی، شڤێدی پشتی ژ بۆ پشکداریکرنێ د کۆمبوونا بیست و چارێ یا وەزیرێن دەرڤە یێن وەلاتێن رێکخستنا ئیکۆ یا ھەڤکارییا ئابۆری دا، گەھشتییە باژارێ ئەنتالیا یێ تورکیا، گۆت: دانوستاندنێن وان یێن رێککەفتنا ئەتۆمی د گەل فرەنسا و ئەلمانیا و بریتانیا دا بەردەوامن و تا نھا تەھرانی دەرگەھێ دانوستاندنان دانەخستییە، ژ بەر کو ئەو دخوازن رێککەفتنا ئەتۆمی رزگار بکەن.
ھەروەھا گۆت: ئیرانێ قوناغا چارێ یا کێمکرنا پێگریێن ب رێککەفتنێ خستە د وارێ جێبجێکرنێ دا، ژ بەر کو ئالییێ ئەورۆپی سۆزێن خوە جێبجێ نەکرن و مافێ وانە وێ قۆناغێ وەک بەرسڤەک بۆ بنپێکرنا رێککەفتنێ ژ ئالییێ ئەمریکا ڤە، بھاڤێژن.

بابه‌تێن ب ڤێ مژارێ ڤه‌ گرێدای