زێدان، كۆنتى و ئه‌لێگرى به‌ربژارێن خه‌لاتێ گلۆب سۆكه‌ر یێ 107ێ نه‌

زێدان، كۆنتى و ئه‌لێگرى به‌ربژارێن خه‌لاتێ گلۆب سۆكه‌ر یێ 107ێ نه‌

WAAR-دهۆك:

زێنه‌دین زێدان و ماسیمیلیانۆ ئه‌لێگری و ئه‌نتۆنیۆ كۆنتی و جۆزێ‌ مورینیو ، بۆ هه‌ڤركییێ‌ لسه‌ر ناسناڤێ‌ گلۆب سۆكه‌ر یێ‌ باشترین راهێنه‌رێ‌ جیهانێ‌ بۆ سالا 2017ێ‌ هاتینه‌ به‌ربژاركرن ، ئه‌وێ‌ بریاره‌ ل 28ێ‌ ڤێ‌ هه‌یڤێ‌ د ئاهه‌نگه‌كا تایبه‌ت دا ل ئه‌بوده‌بی یا پایته‌ختێ‌ ئیمارات بهێته‌ راگه‌هاندن ……. زێدانی وه‌رزه‌كێ‌ پری ده‌ستكه‌ڤت دگه‌ل ریال مه‌درید ده‌رباكر، كو شیا ناسناڤێ‌ خۆلا ئسپانیا ڤه‌گه‌رینیت ، و بۆ جارا دووێ‌ لدیڤ ئێك ناسناڤێ‌ چامپیۆنزلیگێ‌ بده‌ستڤه‌ببه‌ت ، زێده‌باری ناسناڤێن كۆپا سۆپه‌را ئورۆپا و سۆپه‌را ئسپانیا ، و به‌ربژاره‌ ناسناڤێ‌ مۆندیالا یانه‌یان ژی بده‌ستڤه‌ببه‌ت ، هه‌روه‌سا ئه‌نتۆنیۆ كۆنتی ژی دئێكه‌م وه‌رزێ‌ خۆ دپریمیێر لیگێ‌ دا ، ئه‌نجامێن سه‌ركه‌ڤتی تۆماركربون ، كو شیا ب جوداهییا حه‌فت خالان ژ نێزیكترین هه‌ڤرك یانه‌یا تۆتنهام ناسناڤی ببه‌ت ، ژلایه‌كێ‌ دیڤه‌ ماسیمیلیانۆ ئه‌لێگری سه‌رباری ژ ده‌ستدانا ناسناڤێ‌ چامپیۆنزلیگێ‌ د فینالێ‌ دا لسه‌ر ده‌ستێ‌ ریال مه‌درید، لێ‌ یوڤێنتۆسێ‌ بسه‌رپه‌رشتییا وی ده‌ستكه‌ڤتێ‌ دیرۆكی تۆماركر ، ده‌مێ‌ بۆ جارا شه‌شێ‌ لدووڤ ئێك ناسناڤێ‌ خۆلا ئیتالیا بده‌ستڤه‌بری ، زێده‌باری ناسناڤێ‌ كۆپا ئیتالیا، هه‌روه‌سا جوزێ‌ مورینیوی یانه‌یا مانچسته‌ر یۆنایتد پشتی دیركه‌ڤتنه‌كا درێژ ، ڤه‌گه‌رانده‌ سه‌ر پۆدیۆمێن خه‌لاتكرنێ‌ ل ئورۆپا ، ده‌مێ‌ ناسناڤێ‌ یورۆپالیگێ‌ بده‌ستڤه‌بری دگه‌ل ناسناڤێ‌ كۆپا ئێكه‌تییا ئنگلته‌را و كۆپا كاپیتال وه‌ن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.