زیانێن گیانی یێن خوه‌نیشاندانێن ئیراقێ به‌ر ب زێده‌بوونێ نه‌

زیانێن گیانی یێن خوه‌نیشاندانێن ئیراقێ به‌ر ب زێده‌بوونێ نه‌

WAAR-دهۆك:

ژ ده‌ستپێكا خوه‌نیشاندانێن ئیراقێ سێسه‌د و سیهـ كه‌سان هاتینه‌ كوشتن، هه‌ژمارا برینداران ژی ژ پازده‌ هزار كه‌سان ده‌رباز بوویه‌.
ل گۆری كۆمسیۆنا مافێن مرۆڤی یا ئیراقێ هه‌روه‌ها وه‌زاره‌تا ساخله‌میێ، زیانێن گیانی یێن خوه‌نیشاندانێن به‌غدا و پارێزگه‌هێن باشۆر و ناڤه‌راست به‌ر ب زێده‌بوونێ چووینه‌ و پشتی ل دو رۆژێن بۆری ب ده‌هان خوه‌نیشانده‌ر بووینه‌ قوربانی، هه‌ژمارا كوشتییان ژ سیسه‌د و بیست و پێنج كه‌سان ده‌ربازبوویه‌ و هه‌روه‌ها پتری پازده‌ هزاركه‌سان بریندار بووینه‌.
هه‌روه‌ها هاتیه‌: تنێ ژ دوازده‌ی ڤێ مه‌هێ هه‌شت خوه‌نیشانده‌ر هاتینه‌ كوشتن و سه‌د و نۆت و ئێك و ژی بریندار بووینه‌.
كۆمسیۆن و ژێده‌رێن ساخله‌میا ئیراقێ دیاركرینه‌، قوربانیێن خوه‌نیشاندانان هه‌موو ب ته‌قه‌یا پۆلیسان و بكارئینانا بۆمبێن غازا رۆندكرێژ هاتینه‌ هنگافتن.
د ڤێ ده‌ربارێ دا، ویلایه‌تێن ئێكگرتیێن ئه‌مریكا دیاركرییه‌، ئه‌و ل همبه‌ری بكارئینانا هێزێ ل دژی خوه‌نیشانده‌رێن ئیراقێ بێده‌نگ نابیت و نها لێكۆلینا دانانا سزایان ل سه‌ر هه‌ژماره‌كا به‌رپرسێن ئیراقی دكه‌ت.

بابه‌تێن ب ڤێ مژارێ ڤه‌ گرێدای