زه‌ورا كاروانێ خوه‌ د كوپا ئێكه‌تییا ئاسیا دا ب وه‌كهه‌ڤییێ ده‌ستپێكر

زه‌ورا كاروانێ خوه‌ د كوپا ئێكه‌تییا ئاسیا دا ب وه‌كهه‌ڤییێ ده‌ستپێكر

WAAR-دهۆك:

هه‌لگرا ناسناڤێ كوپا ئێكه‌تییا ئاسیا یانه‌یا جه‌ویه‌ كاروانێ خوه‌ د قاره‌مانیێ دا ب وه‌كهه‌ڤیێ ده‌ستپێكر.. ده‌مێ د یارییا گه‌را ئێكێ دا ژ كۆما ئێكێ ب دوو گۆلان دگه‌ل یانه‌یا جه‌زیره‌ یا ئۆردنی وه‌كهه‌ڤبووی.. ل خۆله‌كا 16 حه‌مادی ئه‌حمه‌دی گۆلا پێشكه‌ڤتنێ بۆ جه‌ویه‌ تۆماركر.. و ددیڤدا مۆسا ئه‌لته‌مه‌ری گۆلا وه‌كهه‌ڤیێ بۆ جه‌زیره‌ ئینا.. و هه‌رچه‌نده‌ ل خۆله‌كا 84 سالح سدێری ب تۆماركرنا گۆلا دووێ جاره‌كادی جه‌ویه‌ پێشخست.. لێ پشتی وێ ب دوو خۆله‌كان ماردیك ماردیكیانی گۆلا وه‌كهه‌ڤیێ بۆ جه‌زیره‌ ئینا و یاری ب وه‌كهه‌ڤییا دوو گۆلان بداوی هات.

هه‌ر دناڤ یاریێن گه‌را ئێكێ دا ژ كوپا ئێكه‌تییا ئاسیا و ژ هه‌ڤركیێن كۆما دووێ هه‌لگرا ناسناڤێ خۆلا عیراقێ یانه‌یا زه‌ورا د ئێكه‌م یارییا خوه‌ دا ب گۆله‌كێ دگه‌ل یانه‌یا عه‌هد یا لۆبنانی وه‌كهه‌ڤبوو.. هه‌رچه‌نده‌ پشتی بۆرینا چار خۆله‌كان سه‌فا هادی گۆلا پێشكه‌ڤتنێ بۆ زه‌ورا تۆماركر.. لێ ل خۆله‌كا 67 ئسماعیل یه‌عقۆبی گۆلاا وه‌كهه‌ڤێ بۆ عه‌هدێ ئینا.. و به‌ری بداوی هاتنا یاریێ ب هه‌شت خۆله‌كان هه‌مان یاریكه‌ر ب كارتا سۆر هاته‌ ده‌رخستن لێ یانه‌یا زه‌ورا مفای ژ ده‌ركه‌ڤتنا وی وه‌نه‌گرت و یاری ب وه‌كهه‌ڤییا گۆله‌كێ بداوی هات.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.