زه‌ورایێ سه‌ركه‌ڤتنه‌كا بساناهى لسه‌ر وه‌سل تۆماركر

زه‌ورایێ سه‌ركه‌ڤتنه‌كا بساناهى لسه‌ر وه‌سل تۆماركر

WAAR-دهۆك:

یانەیا زەورا کاروانێ خۆ دخۆلا قارەمانێن ئاسیا دا بسەرکەڤتنەکا مەزن لسەر یانەیا وەسل یا ئیماراتی بداوی ئینا، پشتی دگەرا شەشێ یا کۆما ئێکێ دا لیاریگەھا وێ ب پێنج گۆلان بەرامبەر گۆلەکێ لسەر پێشکەڤتی . سەرباری کو لدەستپێکا یارییێ و ل خۆلەکا پێنجێ وەسل برێکا حەسەن محەمەد تاھری پێشکەڤت، لێ ل خۆلەکا ٢٢ عەلا عەباس گۆلا راستڤەکرنا ئەنجامی بۆ زەورا ئینا، و ل خۆلەکا ٣٩ ھەڤالێ وی ئەحمەد فازل ب شۆتەکا بھێز ژ دوور گۆلا دووێ و پێشکەڤتنێ تۆمارکر، بەری بداوی ھاتنا نیڤا ئێکێ عەلا عەباس ڤەگەریا و گۆلا خۆ یا دووێ و یا سێیێ بۆ زەورا ئینا، و لدەستپێکا نیڤا دووێ و ل خۆلەکا ٥١ ئەحمەد جەلال ب شوتەکا جوان و بھێز دناڤ دەڤەرا پەنەلتییێ دا گۆلا چارێ زێدەکر، پشتی وێ ب حەفت خۆلەکان مھەنەد عەبدلرەحیم گۆلا پێنجێ و داوییێ تۆمارکر . سەرباری ڤی ئەنجامی ھەردوو یانەیێن زەورا و وەسل لرێزێن سێیێ و چارێ د کۆمێ دا دھێن و ژ قارەمانییێ دەرکەڤتن.

بابه‌تێن ب ڤێ مژارێ ڤه‌ گرێدای